torsdag 17. mai 2012

Faner og dessert




17.mai er dagen fanene kjem fram, så i dag fekk eg forevige dei eg sydde før digitalkameraene og bloggen si tid. Det er kjekt å sjå at fanene eg har sydd til skulane og barnehagane,
framleis held seg. Eg føler ansvar.


Denne har 20 års-jubileum i år. Det er ei felles fane for dei tre kommunale barnehagane, representert med tre barn i felles båt. (No har dei blitt til to større barnehagar). Detaljane kjem betre fram i det øverste biletet. Teksta var lang, og måtte forkortast for at bokstavane ikkje skulle ta overhand. Eg lurte veldig på forkortinga av kommunale, og tenkte på regelen "aldri to m-ar i slutten av eit ord", så eg henvendte meg til skulesjefen i kommunen, som var ein språkmann. Han kunne heller ikkje svare, så han kontakta sjølvaste Finn Erik Vinje, og fekk vite at i forkortingar var det lov med to m-ar i slutten av eit ord. Då lærte vi det;)

For 20 år sidan hadde ikkje frihandsquiltinga gjort sitt inntog blant quiltarar, men eg utfordra maskina ved å halde igjen, dra sidevegen o.l. når eg sydde, så eg fram effektar likevel;) Etter ønskje frå "fanekomiteen, er motivet med utgangspunkt i ei barnebokteikning av Vivian Zahl Olsen. Sjølve fana er i frøskalbomull, med ulike kvalitetar på motivet. Barna har fått ekte regnklede.


Året etter sydde eg fana til Midsund skule, så då har vel den 20 års-jubilem neste år. Skulen hadde 25 års-jubileum i 1993, og foreldrerådet meinte det var ei skam at dei endå ikkje hadde fane, og sette igang prosessen og skaffa midlar. Eg jobba ved Midsund skule då, så det var ekstra kjekt, men nervepirrande, å få oppdraget. Det var ei teiknekonkurranse blant elevane for å finne motiv, og eg trur det var Veronica Beinset sitt utkast som blei brukt. Lillian Akselvoll var behjelpeleg med utteikning. 

Den er sydd av ekte fanesilke med silke i snorer, frynser og band også. Det er vanskeleg å sy med så glatt stoff, og sidan stoffet er veldig dyrt, var eg redd for å gjere feil. Motiva er av ulike kvalitetar. 
Foreldrerådet hadde også ein tilstelling for alle ved skulen der dei serverte bollar og brus, og overrekte fana til skulen.


Den aller første fana eg var med på, var til Raknes skule. Der var det også elevar som teikna forslag til utgangspunkt. Den tida hadde eg ein sybutikk saman med Vigdis Dahlberg, som vi kalla ED-VI Tekstil. Vi fekk oppdraget der, og samarbeidde om syinga. Eg trur det kanskje var i 1986.

Eg  gjekk på Raknes skule heile barnetrinnet, og har vokse opp som næraste nabo, så eg har eit forhold til den skulen også.


Og den siste var den eg sydde til Midsund Montessoriskule i 2011. Skulen er privat, og blei starta opp i 2009. Dette er framsida av fana.


Her er baksida. Lillian Blø Rakvåg, t.v, har teikna, og eg har sydd. Her er vi glade og letta over å komme i mål til 17. mai 2011.


På baksida er eit kjent montessorisitat.
I eit tidlegare innlegg har eg skrive om all symbolikken som er i fana. Det kan du sjå her.

Det har vore lærerikt for meg å ha desse prosjekta. Tidene forandrar seg, og eg har utvikla meg.


Og sidan det er nasjonaldagen i dag, må eg lage Grunnlovsdessert. Den består av kompott av rabarbra og svisker, vaniljekrem, krem og mandlar, og smakar sååå godt! Vi gifta oss i mai, og hadde denne som dessert;) Har du lyst å lage, er oppskrifta bl.a. her. Biletet er derifrå, for eg har ikkje pynta min endå;) Eg brukar som oftast berre ferdig vaniljekrem blanda med krem, og då er den rask å lage.


Litt 17.mai-fargar på bordet også.


I går kveld var vi på gravplassen med små 17.mai-bukettar.


11 kommentarer:

  1. Flotte faner du har laga! Eg trudde det berre var Montessori skulen som hadde fått gleda av dine kreative sprell - so feil kan ein ta:) Håpar du har hatt ein fin dag, sjølv om været svikta oss igjen....

    SvarSlett
  2. Du verden så flink du er. Å sy fane er litt av en jobb.
    Ha en fortsatt fin 17.mai-kveld.

    SvarSlett
  3. Hvor er det fine ting og fine applikationer. Der hænger en stor applikation i min ex-svigermors hytte tæt på Kongsberg i Norge som jeg lavede for 15 år siden. Der har jeg vel været 25-30 gange, - men desværre aldrig på jeres nationaldag. Ærgerligt for det lyder som en fin og festlig begivenhed.
    PS - Jeg sætter dig på min blogliste nu ;)

    SvarSlett
  4. Å gå i 17.mai-toget må være en spesiell glede for deg som har så mange faner på samvittigheten! Flotte er de alle sammen! Den desserten din ser utrolig god ut. Koselig med tradisjoner på 17.mai.

    Ha ei riktig fin helg!

    SvarSlett
  5. Så mange flotte faner, at det er en fryd for øyet.
    Den desserten så bare helt nydelig ut.

    Ha en fin kveld

    Klem

    SvarSlett
  6. Imponerande faner du har laga :) Må vera kjekt å sjå dei igjen kvart år.
    Smarte og fine konfirmasjonsgåver du har sydd og.
    God helg.

    SvarSlett
  7. Så utrolig flotte faner. Så artig det må være å se de år etter år.. :))
    Jeg har vært innom datteren din, og du verden så flink hun er!! Jeg blir så glad når jeg ser at de unge også kan kose seg med håndarbeid. Det er ikke så mange av de lenger, dessverre.(Herremin, høres ut som om jeg er 100 år..) Håper datteren min klarer å holde interessen, hun er snart 10 år, har egen symaskin, hekler og strikker som bare det. Det dukker opp den ene kreasjonen etter den andre.. :) Utrolig artig..
    Ha en flott helg.. :)

    SvarSlett
  8. O,oj, så mye arbeid som ligger bak disse flotte fanene!
    Godt at de blir tatt vare på og brukt.

    Ønsker deg ei flott helg.

    Klem fra Anne på landet.

    SvarSlett
  9. Så fine faner du har laget da. Herlighet. Tenkt å kunne hatt slike egenskaper.

    Ha en fortsatt fin helg!

    SvarSlett
  10. Flotte faner! Jeg måtte ta en skikkelig titt på dem igjen nå, og beundre. Skal si du har vært borti mye forskjellig.

    SvarSlett

Eg blir utruleg glad om du legg igjen nokre trivelege ord i kommentarfeltet! Har du ikkje eigen blogg, kan du under "kommenter som", velge navn/nettadresse og skrive namnet ditt øverst, hopp over feltet med nettside, så skrive kommentaren og trykk publiser. Eller du kan velge anonym og skrive kommentar og publiser. Det er kjekt om du også skriv namnet ditt og evt. mail-adresse i kommentarfeltet, slik at eg kan finne deg;)

LinkWithin

Related Posts Plugin for WordPress, Blogger...