tirsdag 27. oktober 2015

Nye konglekransar


Eg fekk idéen til konglekransar med hekla roser i fjor.
No nærmar det seg messetid igjen, så då har eg laga nokre nye.




Denne kransen i duse fargar, kan eigentleg  brukast året rundt.






Så måtte eg prøve ein krans der konglene har si naturlege farge.
På ein lys vegg kjem den til sin rett


No ligg nokre fleire kransar til tørk, og der har eg lyst å prøve å dekorere med nye fargar.
Resultatet kjem nok her på bloggen etter kvart.

lørdag 24. oktober 2015

I mørket er alle kattar grå.


Sist helg var eg i Nordfjordeid på Vestlandstreff, 
og det var flotte dagar som ga mykje ny inspirasjon.


Eg gjekk på kurs i fri design med Frøydis Myhre. 
Ho snakka om mange ulike måtar å skaffe seg inspirasjon til eit produkt, 
og la "vegen bli til medan du går". Eg starta med eit dystert hus i natta.


 Undervegs fekk vi tips av Frøydis, og vi vurderte kvarandre sine arbeid. 
Alle hadde veldig ulike utgangspunkt, og det var nyttig å tenkje høgt saman med fleire.
Ved kursslutt trudde eg at berre lukkekanten igjen.
Men etter heimkomst følte eg at noko mangla.


Vindauga og pipa blei tydelegare markerte.


Den lyse rammekanten fekk tekst.


Og ein katt fekk kome fram i mørket.


Dermed fekk heile biletet eit løft, og eg fekk lyst å fullføre det.


Alle sidene fekk ulike lukkekantar.


Damene i Nordfjordeid hadde laga eit fantastisk arrangement for oss, 
og vi fråtsa i stoff, utstillingar og god mat. 
Kakebordet i kaféen med heimlaga kaker av alle slag, var eit syn både for auge og gane. 
Og denne flotte "lappekaka" vakte sjølvsagt beundring blant oss stoffgalne.


Triveleg reisefølgje og flott haustvér danna ei perfekt ramme for ei topp quiltehelg.


lørdag 10. oktober 2015

Fleire småmapper


Mapper og pungar med glidelås er praktiske til ulike formål. 
No prøvar eg meg fram med ulike modellar.


Ein hund måtte berre få vere med til dette beineldoradoet.
Og blir han ikkje mett, så blir hannok verande.


Utgangspunktet er trekantar, og fronten er quilta før 
samansying med for og glidelås.


Her har eg brukt ferdigkutta kvadrat saman med stoffstrimlar til fronten.


Hempe i enden og snor i glidelåsen gjer det enklare å opne og lukke.


Omtrent same framgangsmåte, men likevel så forskjellige.


Merking er kjekt å få med.


Då er det berre å fylle dei med skrivesaker, strikkepinnar, eller kva ein vil.

tirsdag 6. oktober 2015

Klasseprosjekt


For ei tid tilbake hadde vi prosjekt i forming med å lage fellesbilete. 
Kravet var samarbeid både med bakgrunn og dekor. 
Kvistar frå naturen skulle vere med. 


Bakgrunnen er maling og effektar på lerret.
Kvisten er pynta med perler på ståltråd og utstansa sommarfuglar.
Hjartepynt av tyll, lim og perler.


Her er bakgrunnen i same stil, 
men pynten er eit stort kvisthjarte, som er dekorert med ståltråd og diverse perler.






Det er kanskje ikkje så vanskeleg å sjå at det er ei jentegruppe som står bak. 
I alle tilfelle så pyntar dei fint opp i klasserommet.

LinkWithin

Related Posts Plugin for WordPress, Blogger...