Skjerf og gratis mønster

Må ta med dette fine skjerfet også i julegavevisningen. 

Det er tosidig og har en spennende struktur på hver av sidene.

Mannen min fikk det av Birgitte, og nå har hun laget mønster som gave til alle.

På bloggen Handmade by BiR finner du mer beskrivelse om skjerfet

og link til mønsteret på hennes Raverlyside.

Gul blomsterpute

Eg trengte ein fargeklatt i sofaen, 

og då var det perfekt å få prøvestrikke 

Birgitte sitt nye mønster Symre.

Det var eit raskt og artig prosjekt.

Med dobbelt garn og pinnar nr 8 går det unna.

Strikka, brodert og ein knapp i midten som prikken over i-en.

Bianca var på besøk og ville gjerne vere med på fotoseansen.

Fargemessig passar ho godt også.

Eg har strikka med oker Nepal og brodert korssting rundt med lys grå Baby Merino.

Ein strekk i sola er ikkje å forakte.

Vi var begge eniga i at puta var godkjent, 

og at mønsteret godt kan anbefalast.

HER er link til innlegget om mønsteret. 

Sjå kor ulike putene blir med forskjellige fargar.

Nytt sjal

Etter ei veldig lang heklepause pga langvarig senebetennelse, har eg endeleg 

fått fullført dette sjalet. Fargen gir meg vårstemning, og no 

har vinteren vore meir enn lang nok for meg.

Det er mønsteret Ruth, som du finn meir om HER. 

Sjalet er hekla i Baby Merino. Eg brukte krok nr 4,5 i staden for 4, 

så derfor trengte eg litt meir enn 4 nøster.

Tidlegare laga eg eit i striper. 

Det kan du sjå HER. 

Veldig fornøgd med begge to.

Mønsteret er så godt, for det blir avlangt, og mykje lettare og finare

å dandere enn eit trekantsjal.

Og eg har brukt det mange gongar allereie. 

Kjempedeilig. 

Rosa Hemmelighet

Inspirert av Kakekrigen på TV, skulle Birgitte og eg 

komponere vår eiga kake. Den har no fått namnet

"Rosa Hemmelighet". 

Det er ikkje lett å vite kva som er inni, 

men no er det ikkje så hemmeleg lengre. 

Og om du er interessert, 

så skal eg avsløre det heile her.

Kaka består av sukkerbrød, sjokoladekake, vaniljekrem, 

marsipan og bringebærfromasj. 

"Veldig god" blei konklusjonen, 

og her skal du få oppskrifta.

Bringebærfromasj: 

ca 500g frosne eller ferske bringebær og 125g melis 

varmast til kokepunktet og rør til det blir ein mos. 

Tilsett 5 plater gelantin, som har ligget i blaut i 5-10 min. 

Rør til alt er oppløyst, og pass på at det ikkje kokar. 

Frøa frå ei vaniljestang kan kokast med, eller tilsett 2 ts vaniljesukker til slutt. 

Avkjøl. Bland med 3 dl stivpiska fløte når bringebærmosen har tjukna. 

Steik kakene medan bringebærmosen blir avkjølt.

Sukkerbrød:

Pisk eggedosis av 3 egg og 135 g sukker. Pisk så inn 2 ss vatn. 

Sikt i 50 g potetmel, 45 g kveitemjøl og 1 ts bakepulver. 

Vend inn med ein slikkepott til røra er jamn. 

Hell så røra i ei rund form med bakepapir i botnen. Smør kantane.

Steik kaka ved 170 gr i ca 30 min. Avkjøl på rist.

Sjokoladekake:

2 egg og 2 dl sukker til eggedosis. 

Pisk inn 0,75dl avkjølt kaffe. 

Sikt og vend inn 2dl kveitemjøl og 1ts bakepulver. 

Steik og avkjøl som sukkerbrødet.

I tillegg treng du ein pakke ferdig vaniljekrem,

og ca 1/2 rull marsipan kjevla like stort som kakeforma.

Del begge kakene i to. 

Legg lagvis slik:

Sukkerbrød, 1/2 pk vaniljekrem, sjokoladekake. ca 1/4 av bringebæfromasjen,

marsipanen, sukkerbrød, vaniljekrem, og så sjokoladekake.

Smør resten av bringebærfromasjen på toppen og rundt kantane. 

Sett kaldt til fromasjen stivnar. 

Pynt evt. med bær og marsipan.

Kaka har gode smakskombinasjonar, 

og kakestykka tek seg godt ut med sitt fargespel.

Velbekomme!

Bok, mønster til hals og premie

Denne flotte votteboka kom frå Hobbyklubben i går, 

og der er mønstre på heile

40 ulike vottar frå heile landet. 

I tillegg får du historia bak kvart vottepar,

og gode strikketips på kjøpet.

HER kan du lese meir og bla litt i boka. 

Mange fristande vottar her altså!

Og så var eg så heldig å få denne 

deilige halsen i merinoull frå Birgitte. 

Sjekk dei flotte knappane då.

Om du har lyst å strikke ein slik, 

så finn du gratis mønster på Gro hals HER. 

Eg har hatt vinnarlykke også. 

Eit gåvekort på 200 kr frå Woolspire var premie

på bloggen Lisbeths Verden. 

Ta turen då vel! Masse fine strikkerier.

Den siste tida har det vore god bruk for både

vottar, hals, og garn.

Snøen har lava ned. 

Nettet rundt ballbingen er reine kunstverket

på nært hald. 

Lue i enkel vaffelhekling

Eg blei inspirert av lua som Nina Løseth hadde etter å ha tatt sin første

verdcupseier. Sidan eg ikkje har funne ein einaste omtale av lua, begynte eg å 

prøve meg med litt strukturhekling, og resultatet blei denne lua enkel vaffelhekling.

Slalåm-legenden Alberto Tomba delte ut førstepremier til Nina Løseth. FOTO: NTB SCANPIX

Dette bildet av den flotte jenta, har eg henta frå smp.no. Er det nokon 

som veit meir om denne lua?

Slik blei i alle fall mi lue, og har du også lyst å lage, 

så deler eg min framgangsmåte her. 

Eg brukte 2,5 nøster av 

Dale Freestyle og heklekrok nr 6. 

Sjekk om størrelsen blir passe. Visst ikkje kan du auke eller minske antal luftmasker.

Legg opp 90 luftmasker. 1.omg: Ei fastmaske i kvar luftmaske. Snu med ei lm.

2.omg: Ei fastmaske i kvar maske frå forrige omgang. Snu med 3 lm.

3.omg: Ein stav i kvar fm. Snu med 3 lm.

Så startar sjølve vaffelheklinga.

4.omg: *1 stav i staven frå forrige omg., 1 stav rundt neste stav* 

Fortsett frå * til *ut omgangen. Snu med 3 lm.

5.omg: Som 4.omg. Pass på at det er dei stavane som blir ståande fram som skal heklast rundt. 

(Sjå bilder litt lengre ned)

For å få rutemønsteret, er det viktig å ikkje bytte om på dette.

Ein omgang frå rettsida og ein omgang frå baksida gir heile ruter.

Ein stav i staven frå forrige omgang.

Ein stav rundt neste stav, ved å stikke kroken bak og fram igjen rundt staven frå forrige omgang.

Heklinga blir lik på begge sider. 

Fortsett til lua er så lang du vil ha den før felling.

Med meg er det ni heile ruter, eller 18 omgangar med vaffelhekling.

Fell frå vranga. *Hekle 11 stavar som vaffelhekling. 

Ta eit kast og før kroken bak dei to neste

utståande stavane og hekle ein stav rundt dei. *

Det betyr av tre masker blir til ei, 

men frå rettsida blir det nesten ikkje synleg, fordi det er staven mellom som står ut på andre sida.

Fortsett frå * til * ut omgangen.  Det blir 6 fellingar.

.

Hekle så ein vanleg omgang vaffelhekling frå rettsida.

Neste omgang frå vranga heklar du 

*to utståande stavar saman, tre stavar vaffelhekling* Gjenta ut omgangen.

Til slutt hekla eg berre saman to og to utståande stavar på begge sider.

Sy saman og fest trådendar.

Sjølv om det berre var ei prøvelue, blei eg fornøgd med resultatet. 

Og den passar godt til "God morgen-vottane" eg fekk i 2008. 

Like gode og fine endå.

Lua er no testa, og den både varma og satt godt på.

Panneband og gratis mønster

I dette innlegget skreiv eg om den deilige halsen eg fekk av Birgitte til bursdagen min. 

Og her er mønsteret ho har lagt ut gratis.

I pakken var også eit veldig godt og behageleg panneband.

Det er strikka i heilpatent, og den smalare delen bak, 

gir ei ekstra god passform. 

Eg ser no at eg burde ha strekt ut brettane før eg tok det med ut til fotografering...

Ho har også laga eit gratis mønster til dette, 

som du finn her. Der ser du kor fint det er på.

Både hals og panneband har vore i bruk mange gonger, 

og dei blir gode å ha utover hausten og vinteren også. 

Dersom du ikkje har besøkt den nye bloggen til Birgitte, 

Handemade by BiR, så vil eg absolutt anbefale ein tur innom. 

Tusen takk for fin, god og nyttig gåve, Birgitte!

Hals i gåve og ny blogg

Til bursdagsgåve fekk eg eit nett med mange fine og nyttige ting frå Birgitte. 

Ho er flink å finne ut kva folk treng.

Bl.a. fekk eg denne deilige halsen i patentstrikk. 

Den er hennar eigen design, og ho har laga mønster, som ho deler gratis.

Innlegget med mønsteret finn du HER.

Birgitte har starta ein ny blogg som heiter Handmade by BiR.

Alle innlegga frå Birgittes forglemmegei er flytta dit.

Ta ein kikk innom, og eg veit det er mykje nytt på gang der;)

Handmade by BiR.

Sjalet Ruth

Då Birgitte utvikla mønsteret til sjalet "Ruth", var eg prøveheklar. 

Det som er spesielt med dette sjalet er fellinga i sidene, slik at det blir avlangt og ikkje trekanta. Det gjer at det blir lett å dandere og det legg seg fint. Samtidig er det veldig godt å ha på.

Sjalet er hekla i Baby Merino, og eg brukte fargar som passar til det meste.
Trur eg skal lage meg eit (eller to) einsfarga sjal også!

Og no etter at eg har brukt sjalet mange gonger, og endeleg lagar innlegg, 

så oppdagar eg at eg har gløymt å lage duskar!!

Men flott, for no har eg fått gjort det også;)

HER er link til det opprinnelege sjalet og mønsteret.

Til slutt skal du få eit gåvetips: Gi mønster og garn til ein handarbeidsglad person,
om du ikkje heller vil gi eit ferdig sjal då.
Kjekt å få begge deler.

Tilslørt juleskinke og tilslørte bondepiker

Eg likar å lage ting utan mønster, og eg likar å lage mat utan oppskrift. Det blir litt "man tager hva man haver" og "en dæsj og en slump" av diverse. Derfor blir rettane forskjellig frå gong til gong.

På julaftan var vi og min eldste bror med familie samla til nydeleg pinnekjøtt hos min mor på 86 år. 

I dag på 1.juledag blei middagen overraskande god, så det må dokumenterast slik at eg finn tilbake til idéen. 

Sidan det stort sett går på ein slump, så er alt i oppskrifta ca-mål. 

Sett steikomnen på 225 grader. 

Små mandelpoteter blei sett på koking i lettsalta vatn. Etter ei stund fekk gulrotbitar koke med. 

Godt med olje i langpanna og dryss med sitronpeppar og fingersalt.  

Damp godt innhaldet i potetgryta før alt blir tømt oppi langpanna saman med ein grovhakka lauk.

Bland det godt rundt i oljeblandinga. 

I eine sida av langpanna la eg tjukke skiver av kokt juleskinke. Dei blei tjukt pensla med ei blanding av ein eggeplomme, ca 2 ss sennepsaus, 1-2 ss sirup og ca 3 ss finhakka mandlar. 

Inn i steikomnen i ca 15 minutt til det blir gyldent. 

Imellomtida er det tid å lage sirupsaus. Sirupsaus er ein tradisjon til pinnekjøttet, som min svigerinne har ført inn i familien, og det smakar godt til anna salt kjøtt også. 

Her er min forenkla versjon i dag: alt ca-mål!!

2 ss maizenna, 2 dl kremfløte, 3 dl vatn og 1 Fond Cup oksebuljong (eller ein buljongterning). 

Kok til fyldig saus. Smak til med peppar og 2ss sirup. 

Alle sin dom var: Kjempegodt!

Og kva kallar ein ein oppdikta og tilfeldig rett? 

Inspirert frå julekveldens dessert blei det "Tilslørt juleskinke". 

Eg var dessertansvarleg i går, og då laga eg bl.a. Tilslørte bondepiker. Hugsar ikkje sist eg gjorde det, men no laga eg eplemos av epler frå tante sin hage, og då passa det så godt. I staden for kavringblanding, steikte eg havregryn, smør og sukker. Mot slutten tilsette eg knust Bixit-kjeks og kanel. Godt blei det også;) 

Jul er tradisjon, men samtidig er det kjekt å prøve noko nytt.

Julemesse

I dag har eg vore på julemesse på Nesjestranda. 

Det var så vanskeleg å få med heile standen samla, så eg legg ut fleire glimt. 

Og med meg går det no mykje i natur. 

Standen min var i eit hjørne, datter mi hadde sine ting ved sida av. 

Og ho har laga mykje fint. Strikking, hekling og saum i eigen design. 

Heilt fremst er mønster ho har laga for salg. Alle er ikkje publiserte endå, men dei kjem snart på både Raverly og bloggen hennar, Birgittes forglemmegei. Stikk innom og ta ein nærare kikk.

Det er triveleg å vere på messe, og om to veker er vi i Molde.

Nytt mønster

Eg har vore prøvestrikkar til Birgitte Reiten sitt nye mønster; Nora, og kan absolutt anbefale det! 

Fine tips, gode forklaringar og oversiktlege bilete.

Halsen er anvendeleg og artig å strikke.

Den kan brukast både open og lukka, og kanppen har mykje å seie for uttrykket.

Eg har brukt ein av mine knappeskattar.

Eg er ingen fortomodell akkurat, men viser likevel nokre av bruksområda. 

Kjekt med plagg som kan varierast;)

Mønseret kostar berre 25 kr, så løp og kjøp HER, eller frå Birgitte si side.

Det blir sendt direkte på mail med det same, så du kan starte strikkinga i dag om du vil;)