Handlaga julegåver del 3

Desse fine hekledukane fekk vi av svigermor til min sønn. Dei stiva med skumma mjølk, og skal ligge til tørk over natta. HER er eit innlegg eg hadde tidlegare om stiving av dukar.

Nærbilde av dei ulike dukane/brikkene.

Og her har dei fått plass på spisebordet.

Tusen takk, Lisbeth!

Og så fekk vi fine lysglas av vår svigerdatter.

Det er veldig fint lys når dei brenn, 

men det er så vanskeleg å få det frem på bilde.

Hun hadde laget noen søte, små magneter av treskiver også.

Tusen takk, Laila!

Velkommen

Velkommen til oss, og veldig kjekt om du kjem på besøk i bloggen min også, 

sjølv om det har vore dårleg med oppdateringar det siste året. 

Men nytt år, og nye moglegheiter!

Eg likar så godt å ordne eit triveleg inngangsparti. I desse advents- og juleider

er det ekstra mykje å bruke også. 

Samtidig har eg satsa på ein vinterleg stil,

slik at det kan stå ekstra lenge. Men den ekte vinteren

har vi ikkje sett noko til endå.

Her er lys, hyller og figurar i kombinasjon med greiner og ting frå naturen,

som alltid vil følgje meg.

Nissemor lurer på kor nissefar har teke vegen.

Skal tru om småfuglane veit?

Rosene kosar seg ute i mildvéret, 

og merkar ikkje noko til regn og blest under overbygget.

Lite anar nissemor om at Snekkar Andersen og julenissen gjer 

hemmeleg avtale denne julekvelden.

Julekvelden blei stor for nissefamilien,som fekk besøk av ein ekte snekkar. 

Han laga både kjelke, dokkeseng, grautsleiv, og ikkje minst ein stokk til gamlenissen,

slik at han kan bevege seg over golvet. 

Heime med snekkaren forstod dei ikkje at det var den ekte julenissen som hadde vore på besøk.

Romjula og 2016 er på hell, 

men jula varer heilt til påske vel?

Men derimellom kjem visst fasten.....

Jordbærostekake og bordpynt

Vi har så kjekke naboar, og det er triveleg å lage til treff av og til.

No hadde vi ei samling i helga, og til dessert prøvde eg å komponere mi eiga 

ostekake. Den blei bra, så då kan eg dele oppskrifta om har lyst å prøve.

Til forrett var det spekemat, melon, jordbær og druer. 

Og etterpå var det fiskesuppe og focacciabrød.

Så skal du få oppskrifta på mi jordbærostekake.

Knus 12 Bixitkjeks i ein plastpose med ei kjevle.

Smelt 100g plantemargarin. 

Bland kjeksen og 1ts kanel med smøret. 

Sett ein ring på fatet og hell kjeksrøra oppi. 

Eg brukar plastposen til å trykke utover røra med.

Del jorbær i to og sett skjæresida mot forma heile vegen rundt.

Oppå er det ein ostefromasj som du lagar slik:

2 egg og 125g melis til eggedosis.

Bland i 1 beger Philadelphiaost og 2ts vaniljesukker.

Tilsett saft og skal (det gule berre) av 1 sitron, 

men løys opp 6pl gelantin (blautlagt) i litt av safta.

Når det tjuknar blandast 1pk piska fløtekrem i.

Pynt med jordbær og gele. 

Skjær langs kanten av forma når geleen har stivna.

Lykke til!

Det er så kjekt å pynte litt av og til.

The same prosedure

Grevinnen og hovmesteren har blitt populære for mange i fleire generasjonar.

Før jul kom eg over serviettar med temaet, så då blei det brukt til å dekorere nokre lys. 

Eg har ofte lurt på kvifor det blir sendt på lillejulaftan, når det ikkje har noko med jul å gjere. 

På Wikipedia finn eg dette: 

Grevinnen og hovmesteren (tysk originaltittel Der 90. Geburtstag eller på engelsk Dinner for One) er en TV-sketsj opprinnelig produsert av Norddeutscher Rundfunk (nordtysk kringkasting) i 1963. May Warden spiller rollen som gammel grevinne i middagsselskap med innbilte, avdøde gjester, Freddie Frinton komisk hovmester som må skåle for alle og blir stadig mer beruset.

Grevinnen og hovmesteren har blitt et tradisjonelt innslag i fjernsynssendingene på nyttårsaften i mange land, blant annet i opphavslandet Tyskland, men også i Østerrike, Sveits, Luxembourg, Danmark, Finland, Estland, Grønland, Australia, Færøyene ogSør-Afrika. Spesielt i Tyskland, Østerrike og Sveits har programmet fått kultstatus. I Norge har NRK siden 1980 de fleste årene sendt filmen på lille julaften.

TV-sketsjen er innspilt i tre versjoner med de samme skuespillerne. I Norge blir en sveitsisk versjon på 11 minutter vist.

Det er grevinna sin 90 års-dag, 

"Mange tror Miss Sophie feirer nyttårsaften, men dette er feil. 

At James sier "Happy New Year, Miss Sophie" må vi nok skrive på 

kontoen for alkoholinntaket", står det også i Wikipedia. 

Det eine settet med lys blei pakka i cellofan med 

ein tennar, lysslukkar og litt granbar. 

Den siste dagen i året er her. 

I går kveld viste gradsokken heile 15 plussgrader!!

Det kan forvirre både folk og blomster, 

og snømannen må i alle fall vere av det kunstige slaget.

I kveld blir det pinnekjøtt til nyttårssteik, 

og min mor skal vere saman med oss.

Desse rosene vil eg gi til deg som kjem innom på bloggbesøk. 

Takk for at du er med og held liv i bloggen min. 

Og ein ekstra stor takk til deg som legg igjen ein triveleg kommentar av og til.

Det set eg stor pris på. 

Riktig godt nytt år til kvar og ein!

Julehelsingar og gjenbruk

''

Eg likar så godt å lage små julehelsingar til mange rundt meg,

og i år blei det bl.a. sjokoladehelsingar.

Her har Toffifee blitt til hElgekos.

Andre fekk slike koseesker.

Ikkje alle tåler nøtter, så då måtte eg finne på ei anna innpakning. 

Denne er sydd av kraftig papir,

 og med pålimte knappar og nedbretta snippar, blei det litt morsomt

med Melkesjokolade inni.

Og så er det så kjekt å lage litt personleg preg på pakkane, 

slik at det passar både innhald og mottakar.

Amaryllisen har sett sine betre dagar, og no var berre enkeltklokker brukbare.

Gjenbruk og natur blir det ofte på pakkane frå meg.

Her er både avis, cellofan, og pynt gjenbruk, 

utanom flaxloddet då;)

Hobbyklubben

Her om dagen låg det ei pakke på trappa då eg kom heim frå jobb. 

Kjekt med serviceinnstilt landpostbud som leverer på døra;)

Inni pakken var det ei kjempestilig veske, 

og det første eg tenkte på var at den var perfekt til skjerfet mitt!

Blad og haustfargar er jo meg.

Pakken var frå bokklubben Hobbyklubben, og her er eit utdrag frå brevet. 

Og ja, det var skikkeleg overraskande og gledeleg! 

Eg har vore medlem i Hobbyklubben i mange år. Dei utviklar seg i takt med tida og har bøker og utstyr for dei fleste hobbyinteresser.

I eit medlemsblad såg eg at dei ville kome i kontakt med og samarbeide med nokon som bloggar om sine hobbyar. Då sendte eg inn ein søknad og presentasjon om meg sjølv og bloggen min. 

Og så var eg blant dei heldige som får vere Hobbyambassadør;) 

Til meir eg kikka i veska, til meir overraska blei eg. 

Der var ei moderne fargeleggingsbok og to etui i same stil som veska.

Og ikkje nok med det, for etuia var ikkje tomme.

Her var både heklekrokar, strikkepinnar og saks.

Gjett om alt skal prøvast!

Veska er praktisk, stødig, sydd i regntett stoff og har glidelåslukning. 

I tillegg er den romsleg, har ei glidelåslomme inni 

og to sidelommer med magnetlås på utsida.

Eg har allereie tatt den i bruk på arbeid. 

Den rommar både småsaker, matboks, bøker og heklearbeidet til fergereisa.

For to år sidan fekk eg dette nydelege haustskjerfet. 

HER kan du sjå innlegget om det på Birgitte sin blogg Handmade by BiR. 

No gleder eg meg til hausten med både veske og skjerf. 

Tusen takk til Hobbyklubben for kjempefin og overraskande gåve!

"You made my day."

Måtte 2015 bli eit godt år.

Nytt år og nye moglegheiter heiter det. Her er eit lite snitt av nyttårsbordet vårt. 

Englar og blomster skal få prege det første innlegget om mine tankar for året som ligg ubrukt framfor oss.

 2015 er Friluftsåret. Det betyr vel at eg bør bli flittigare med utflukter i naturen. 

Eg kjem heilt sikkert til å sanke både kvistar og meir i naturen i år også.

På Wikipedia står det at 9. april er det 75 år sidan Tyskland invaderte Noreg. 

Eg vil heller fokusere på at 8. mai er 70 år sidan krigen slutta her i landet.

Måtte det bli fred for alltid for alle, sjølv om eg veit at det er ein ønskjedraum.

Vi var fem til bords i går kveld, og det stod pinnekjøt på menyen. 

Dessverre så er det ikkje alle som kan spise seg mette eller kose seg i eit varmt hus.

Eg likar å pynte bord, og denne gongen blei det turkis, lilla, sølv og natur i tillegg til det lyse. 

 Og alle fekk ei rose ved sin kuvert.

Måtte det bringe lykke og at ingen opplever vonde ting, sjølv om eg veit at det er for godt til å vere sant. Både kong Harald og statsminister Erna Solberg hadde fokus på mobbing i sine nyttårstalar.

Det er viktig både å sjå og bli sett, 

og det er viktig både å hjelpe og få hjelp.

Hyllene i gangen fekk litt ekstra pynt. 

Alle bør være trygge og føle seg vel saman med andre.

Tulipanar frå eit vennepar er omkransa av englar. 

Eg laga ein del dekorasjonar som gåver, og ein til å ha sjølv. 

Denne skulle liksom vere på nyttårsbordet, men det blei gløymt til eg hadde fylt opp med andre ting. 

Men den gjorde seg bra på hylla i sittekroken også. 

1.januar for tre år sidan blei bloggen min starta, så det betyr at det er bloggbursdag i dag;) 

Det er så kjekt å sjå tilbake på hendingar og ting eg har laga. 

Og for seinare vil eg ta med dagens status:

303 innlegg, 3633 positive kommentarar, 

235 følgjarar og 165.000 sidevisningar. 

Tusen takk for at du er med og held liv i bloggen min! 

Det gir inspirasjon til å halde fram, og kvar einaste kommentar gleder meg. 

Eg ønskjer deg det beste for året vi har starta på!

Og kanskje kjem det ein give-away når det lir på også;)