torsdag 25. desember 2014

Tilslørt juleskinke og tilslørte bondepiker

Eg likar å lage ting utan mønster, og eg likar å lage mat utan oppskrift. Det blir litt "man tager hva man haver" og "en dæsj og en slump" av diverse. Derfor blir rettane forskjellig frå gong til gong.
På julaftan var vi og min eldste bror med familie samla til nydeleg pinnekjøtt hos min mor på 86 år. 
I dag på 1.juledag blei middagen overraskande god, så det må dokumenterast slik at eg finn tilbake til idéen. 


Sidan det stort sett går på ein slump, så er alt i oppskrifta ca-mål. 
Sett steikomnen på 225 grader. 
Små mandelpoteter blei sett på koking i lettsalta vatn. Etter ei stund fekk gulrotbitar koke med. 
Godt med olje i langpanna og dryss med sitronpeppar og fingersalt.  
Damp godt innhaldet i potetgryta før alt blir tømt oppi langpanna saman med ein grovhakka lauk.
Bland det godt rundt i oljeblandinga. 
I eine sida av langpanna la eg tjukke skiver av kokt juleskinke. Dei blei tjukt pensla med ei blanding av ein eggeplomme, ca 2 ss sennepsaus, 1-2 ss sirup og ca 3 ss finhakka mandlar. 


Inn i steikomnen i ca 15 minutt til det blir gyldent. 
Imellomtida er det tid å lage sirupsaus. Sirupsaus er ein tradisjon til pinnekjøttet, som min svigerinne har ført inn i familien, og det smakar godt til anna salt kjøtt også. 
Her er min forenkla versjon i dag: alt ca-mål!!
2 ss maizenna, 2 dl kremfløte, 3 dl vatn og 1 Fond Cup oksebuljong (eller ein buljongterning). 
Kok til fyldig saus. Smak til med peppar og 2ss sirup. 

Alle sin dom var: Kjempegodt!


Og kva kallar ein ein oppdikta og tilfeldig rett? 
Inspirert frå julekveldens dessert blei det "Tilslørt juleskinke". 
Eg var dessertansvarleg i går, og då laga eg bl.a. Tilslørte bondepiker. Hugsar ikkje sist eg gjorde det, men no laga eg eplemos av epler frå tante sin hage, og då passa det så godt. I staden for kavringblanding, steikte eg havregryn, smør og sukker. Mot slutten tilsette eg knust Bixit-kjeks og kanel. Godt blei det også;) 

Jul er tradisjon, men samtidig er det kjekt å prøve noko nytt.


5 kommentarer:

  1. Så kjekt med noko anna og spennande, men med svong av Jul over seg :-D

    Riktig god Jul!

    Ps: her byrja det å snøve i kveld. .
    Så pass at plogen tek seg bryet med å kome ;-)

    SvarSlett
  2. Hei Edny! Dette hørtes veldig godt ut! Sirupssaus har jeg aldri hørt om tidligere, men det skal jeg prøve! Og tilslørt juleskinke var jo ikke noe dumt navn det! Jeg ønsker deg en fortsatt god jul, og takker for at du har linket til julekalenderen min! Klem Cathrine :-)

    SvarSlett
  3. Dette ser kjempegodt ut ! Det er ikkje berre med handarbeid du er kreativ ser eg :)
    Artig namn på retten.
    Ynskjer deg gode romjulsdagar.

    SvarSlett
  4. Her var det mye smakfullt og godt! Spennende med noe nytt. Fortsatt god jul til deg og dine :)

    SvarSlett
  5. Dette så kjempegodt ut, og ja, jeg kjenner meg igjen her, hos oss kalles jeg bare for "stuntkokken"......
    Klem fra Signe.

    SvarSlett

Eg blir utruleg glad om du legg igjen nokre trivelege ord i kommentarfeltet! Har du ikkje eigen blogg, kan du under "kommenter som", velge navn/nettadresse og skrive namnet ditt øverst, hopp over feltet med nettside, så skrive kommentaren og trykk publiser. Eller du kan velge anonym og skrive kommentar og publiser. Det er kjekt om du også skriv namnet ditt og evt. mail-adresse i kommentarfeltet, slik at eg kan finne deg;)

LinkWithin

Related Posts Plugin for WordPress, Blogger...