fredag 19. desember 2014

Kjekt å glede andre, både med kalender og gåve.


I går kveld var denne engelen ferdig og klar til å reise vidare for å glede andre.


I dag hadde eg den glede å overrekkje både engelen og ein sjekk under julefesten på Tøndergård skole og ressursenter i Molde. Før dette hadde elevane framført eit flott program med musikk, dans og teater. Det er så kjekt å sjå gleden dei viser ved meistring av nye ting.


Krisesenteret for Molde og omegn fekk kr 10.000 frå ansatte ved Tøndergård. Vi ønskjer at pengane skal brukast til aktivisering av barn som er der. Det trur eg vil glede foreldra også, for det er vanskeleg å sjå at barna må lide i tillegg til at dei har det vondt sjølv.
Og eg ville også gi senteret ein engel med lys som eit minne. Forhåpentlegvis kan den glede både tilsette og alle bebuarar som er innom der.


Det heile har utgangspunkt i ein adventskalender eg starta for personalet på arbeid for to år sidan. 
Då laga eg ein del småting, og dei som ville prøve å vinne, kunne skrive seg på ei liste. 
I fjor blei eg med på Lappe-Grete si bloggutfordring om å skaffe pengar til forskning på brystkreft, og då knytta eg det til adventskalenderen. 
Mange kollegaer ønska at vi skulle ha adventskalender i år også, og vi blei einige om at inntekta skulle gå til Krisesenteret. Folk stilte opp med premiar og betalte 100 kr for å bli med i trekningane. Påmeldinglista ligg på bordet, og lista med premiar og vinnarar heng på veggen. Kr 4.800,- kom inn på kalenderen, og samtidig blei det bestemt at julegåva til ansatte også skulle gå til Krisesenteret. Dermed kunne vi gi kr 10.000,- til saman.


Krisesenteret er så viktig for mange rundt oss, og eg hadde lyst å lage ein ting som minne i tillegg til pengegåva. Her ligg engelen klar til sluttmontering.


Då er den klar for å lyse for mange som dessverre har vonde og vanskelege opplevingar. 


Eg veit at dit kjem folk med både utvendige og innvendige sår og riper, og derfor kan denne rekvedfjøla vere symbolsk. Dei treng å oppleve både tryggleik og kjærleik. Det kan både engelen og tilsette der bidra med.


Dei som jobbar med sårbare personar, må utstråle godheit og ha eit stort og romsleg hjarte.


Og alle ber nok både på ønskje, håp og draumar.


På undersida av fjøla har eg skrive ei helsing.


Det er kjekt å både gi og få. 
Og eg veit at leiaren for Molde Krisesenter, Ingrid Horsgård, vil forvalte pengane slik at barna som kjem dit skal få gode opplevingar. Ho gjer ein strålande jobb saman med sine medarbeidarar. 
Både dei, og vi som jobbar på ein spesialskule, har med sårbare personar å gjere. 
Dei treng all den hjelp og forståing dei kan få. 








11 kommentarer:

  1. For eit flott tiltak.
    Du har omtanke for alle.

    Førjulsklem.

    SvarSlett
  2. Du er fantastisk, Edny! Hva du drar i gang, og hva du skaper selv!
    Ønsker deg en riktig god jul og et godt og kreativt nytt år!

    SvarSlett
  3. For en kjempeflott gave, både den ene og den andre delen! :) Dette er hjertevarme, det!

    SvarSlett
  4. Hurra for deg og kollegaene dine! Dette var kjekt å lese. Og engelen din er vakker!

    Rktig god helg! Her er det siste innspurt før vi drar nordover på mandag. Har julekakedeig til heving og fremdeles noen omganger å strikke på Veslefars knebukse.

    Klem fra Ingunn

    SvarSlett
  5. Kjempeflott gave....du er kreativ, flott og gavmild du....ha en fin kveld....

    SvarSlett
  6. Godt tiltak og nydelig engel. Likte godt engelens farger.

    SvarSlett
  7. Så flott da! Ekte giverglede :)
    Ønsker deg en riktig god jul og alt godt for det nye året!
    Klem fra Gry

    SvarSlett
  8. Flot beløb i fik samlet sammen og en god gave :) Englen er sød og fine tanker der ligger bag.
    Ønske om en god jul herfra - også til dem der har det svært <3

    SvarSlett
  9. Så smuk en engel, og så flot en gave :-) Glædelig jul <3

    SvarSlett
  10. Flott tiltak!
    Ønsker deg og dine ei riktig god jul!

    SvarSlett

Eg blir utruleg glad om du legg igjen nokre trivelege ord i kommentarfeltet! Har du ikkje eigen blogg, kan du under "kommenter som", velge navn/nettadresse og skrive namnet ditt øverst, hopp over feltet med nettside, så skrive kommentaren og trykk publiser. Eller du kan velge anonym og skrive kommentar og publiser. Det er kjekt om du også skriv namnet ditt og evt. mail-adresse i kommentarfeltet, slik at eg kan finne deg;)

LinkWithin

Related Posts Plugin for WordPress, Blogger...