Gåvetips til barn

"O jul med din glede og barnlige lyst, vi hilser deg alle velkommen". Denne julesongen kan nok dei fleste, om det er frå barnehage, skule eller mimring tilbake frå julefestar. Det er nok mange som har sett tindrande barneauge i denne søte juletid, og dei fleste av oss hugsar nok tilbake til vår eigen barndoms jul. Mykje har endra seg, men samtidig er det den tida vi er flinkast til å overføre tradisjonar til både barn og barnebarn. Innhaldet i pakkane har nok blitt større, og fleire gir gåver til kvarandre. Her snusar Bianca seg fram og finn si pakke, som ho glad og fornøgd pakka opp og smatta i seg.

" En skulle vøri fire år i romjul'n og kjint ei jinte som var nesten fem, og begge skulle kledd seg ut med masker og kømmi julbokk tel et bæssmorhem"

Bestemødre og andre er glade for å få besøk, og dei gir ofte fine gåver til barnebarna. Ofte gir dei pengar, for at foreldra kan kjøpe noko dei treng eller likar. Og har du ikkje kjøpt noko til barna for pengane endå, så kan eg tipse deg om Lekmer.no som har alt til barna, -både utstyr, klede og leiker. 

Eg blei frista til å kjøpe Lego på salg, for det går aldri av moten. 

Då kan eg sy eit nytt Legoteppe å "pakke" klossane i.

Her er innsida av fleece, så er det både godt å leike på, og lyden av klossane blir dempa.
Når byggeøkta er over, er det berre å ta tak i snorene og henge posen på plass. Lett å rydde;)

Denne posen er vrengsydd av kraftig bomullstoff og fleece, og det er sydde hemper som løpegang til snora. Eg trur den er både solid og sterk, og kan vere til glede i generasjonar. Den kan sjølvsagt også brukast til togbane, småbilar, eller andre leiker i mange delar.

Denne posen, som eg sydde til sonen min for ca 30 år sidan, er av det enklare slaget. 

Den er av enkelt bomullstoff, kanta med skråband, og ei kroklisse går gjennom sydde knapphol.

Likevel har den halde kilovis av legoklossar, og den har vore mykje brukt. Og kvar gong klossane skulle ryddast opp, var eg så glad for at denne posen var til;)