søndag 28. februar 2016

Rosa Hemmelighet


Inspirert av Kakekrigen på TV, skulle Birgitte og eg 
komponere vår eiga kake. Den har no fått namnet
"Rosa Hemmelighet". 


Det er ikkje lett å vite kva som er inni, 
men no er det ikkje så hemmeleg lengre. 
Og om du er interessert, 
så skal eg avsløre det heile her.


Kaka består av sukkerbrød, sjokoladekake, vaniljekrem, 
marsipan og bringebærfromasj. 
"Veldig god" blei konklusjonen, 
og her skal du få oppskrifta.


Bringebærfromasj: 
ca 500g frosne eller ferske bringebær og 125g melis 
varmast til kokepunktet og rør til det blir ein mos. 
Tilsett 5 plater gelantin, som har ligget i blaut i 5-10 min. 
Rør til alt er oppløyst, og pass på at det ikkje kokar. 
Frøa frå ei vaniljestang kan kokast med, eller tilsett 2 ts vaniljesukker til slutt. 
Avkjøl. Bland med 3 dl stivpiska fløte når bringebærmosen har tjukna. 

Steik kakene medan bringebærmosen blir avkjølt.

Sukkerbrød:
Pisk eggedosis av 3 egg og 135 g sukker. Pisk så inn 2 ss vatn. 
Sikt i 50 g potetmel, 45 g kveitemjøl og 1 ts bakepulver. 
Vend inn med ein slikkepott til røra er jamn. 
Hell så røra i ei rund form med bakepapir i botnen. Smør kantane.
Steik kaka ved 170 gr i ca 30 min. Avkjøl på rist.

Sjokoladekake:
2 egg og 2 dl sukker til eggedosis. 
Pisk inn 0,75dl avkjølt kaffe. 
Sikt og vend inn 2dl kveitemjøl og 1ts bakepulver. 
Steik og avkjøl som sukkerbrødet.

I tillegg treng du ein pakke ferdig vaniljekrem,
og ca 1/2 rull marsipan kjevla like stort som kakeforma.


Del begge kakene i to. 
Legg lagvis slik:
Sukkerbrød, 1/2 pk vaniljekrem, sjokoladekake. ca 1/4 av bringebæfromasjen,
marsipanen, sukkerbrød, vaniljekrem, og så sjokoladekake.
Smør resten av bringebærfromasjen på toppen og rundt kantane. 
Sett kaldt til fromasjen stivnar. 
Pynt evt. med bær og marsipan.


Kaka har gode smakskombinasjonar, 
og kakestykka tek seg godt ut med sitt fargespel.
Velbekomme!

6 kommentarer:

  1. Ååå, det ser og høyrest ut som ei fortreffeleg kake !
    Takk for oppskrifta, kanskje eg skal prøve å lage den til påske..

    God søndag !

    SvarSlett
  2. Ja denne så veeldig god ut og så høy og fin den ble, og smakte helt sikkert vidunderlig ;-)
    God søndag.

    SvarSlett
  3. Fin kake som sikkert smaker fortreffelig, men for meg med type 1-diabetes er det bare å bla forbi.

    Her er det strålende vintervær med sol og kuldegrader. Er litt hoven i halsen og må dessverre stå over skituren i dag.
    Trøster meg med at vinteren varer lenge her i fjellbygda.

    God søndag fra Ingunn

    SvarSlett
  4. Den kaka ser veldig god ut, rosa og lekker! Mange gode ingredienser! Fortsatt god søndag!

    SvarSlett
  5. Mmm, den såg god ut. Så flinke de er :)

    SvarSlett

Eg blir utruleg glad om du legg igjen nokre trivelege ord i kommentarfeltet! Har du ikkje eigen blogg, kan du under "kommenter som", velge navn/nettadresse og skrive namnet ditt øverst, hopp over feltet med nettside, så skrive kommentaren og trykk publiser. Eller du kan velge anonym og skrive kommentar og publiser. Det er kjekt om du også skriv namnet ditt og evt. mail-adresse i kommentarfeltet, slik at eg kan finne deg;)

LinkWithin

Related Posts Plugin for WordPress, Blogger...