Kongleblomst

Denne blomsten er laga ved hjelp av stoppefoten, tynne kongleskjell og perler.

No skal du få høre korleis den blei til.

Eg var i Eventyrskogen i Nord Heggdal, og på bakken kom eg over denne spesielle kongla. Den blei sjølvsagt med heim for eit nærare studie:)

Men etter kvart gjekk kongla i oppløysning. Den bestod av to typer flak. Det eine var lillaaktig og tynt, og det andre brunare, kraftigare og litt større. Eg har googla, men ikkje funne ut kva sort det er, men det er nok ei sort utanlandsk gran. Denne skogen ligg ved Reitaneset, der doktor Heggdal hadde hytte. I si tid tok han med tre og busker frå utlandet, og hadde eit praktverk av ein hage. No er det berre dei sterkaste artane som er igjen. 

Nederst i dette innlegget skriv eg om hellerristningane ved denne hytta.

Her har eg laga ein blomst av dei kraftigaste kongledelane. Dei var ikkje lette å sy gjennom.

Her prøvar eg ut dei tynne, nesten papiraktige delane.

Etterpå la eg dei farga delane bort og sydde fritt med stoppefoten.

Grunnlaget er ferdig, og du ser kanskje at smitta litt farge av det lilla kongleskjellet.

Så var det å sy "kronblada" fast. Dei er veldig skjøre og blei lett ødelagte.

Og så eit par perler som krona på verket:) Det skal bli noko meir ut av desse kongleblomstane, men eg vei ikkje kva endå. Veit du kva tre denne kongla kjem frå, blir eg glad om du fortel meg. Når eg leita på nettet, kom eg over mine yndige 1.klassingar som var med på eit kongleprosjekt. Artig:) No går dei i ungdomskulen.