søndag 29. mars 2015

Ny seier i quiltekonkurransen


I år som i fjor, var det Charlotte Inderhaug frå Tøndergård skole i Molde som vann quiltekonkurransen for barn under Norsk Quiltetreff på Sundvollen 20.-22.mars.


Tittelen på oppgåva frå Norsk Quilteforbund var Lappemagi, 
og hennar teppe heiter "Min magiske sjel".


Det var JA med ein gong eg spurte om ho ville delta i år også. 
No visste ho kva det innebar, 
og kor tidkrevjande det er, men gløden var der med ein gong.
Det tok ikkje lang tid før ho hadde si skisse på eit A4-ark, 
og det har heller ikkje vore mange avvik frå den opprinnelege idéen.


Charlotte var også bestemt på at bakgrunnen skulle vere 
gråsvart. Det er begrensa kor stort utval ein skule kan ha av quiltestoff,
så eg tok med ein del frå mitt lager som ho kunne velgje i. 
Etter eit lite kurs med sying av trekantar, var ho i gang.


Og etter at bitane var pusla til ønska mønster,
fekk ho ha bordet ståande i ein krok, slik at alt kunne ligge til
alle bitane var sydd saman. 


Om det er trangt om plassen, så veit ho råd.


Vatt og bakstykke er på plass, 
og no skal dama applikerast på.


Og så skal signaturlappen festast på baksida.


Som i fjor er bakstykket frå rektor sine gardiner, 
og då var hund hovudtema på teppet.


Lukkekanten skal syast på, og så er det tid for detaljar og siste finish.


Ansiktet har ho brodert for hand.
Montering av hår skapte litt grublerier.


Men der hadde ho også ei løysing.
Tyll blei sydd over garnet.


Og så brukte ho ein heklekrok til å dra trådar ut gjennom tyllen.

 

Ho skal bli frisør må du vite. 


Dei siste detaljane blir sydd på. 
Her ligg også skissa og den forstørra arbeidsteikninga.


Magiske strålar av farga snorer frå handflata.


Tatoveringane har ho frihandsquilta.


Mange symbolske charms er sydd opp gjennom strålane.


Vesten er av ei dongeribukse og eit gamalt frynseband.
Redesign høyrer med.


Endeleg ferdig og mange ville sjå før det skulle sendast inn til konkurransen.
Det er utruleg mange arbeidstimar som ligg bak.


Mange lovord blei med på vegen, 
og det har ho jammen fortent.


Charlotte er utruleg kreativ og skapande, 
og som lærar har eg sett kor ho har utvikla seg med bruk av symaskina. 
Eg håpar at ho får bruke talentet sitt vidare.
"Min magiske sjel" passar til henne også;)

I august skal teppet delta i utstilling og konkurranse under ein stor
quiltefestival i Birmingham saman med barneteppe fra andre land.


Her er frå utstillinga og lappen til Charlotte sitt bidrag. 
Det er flott at NQF arrangerer konkurranser for barn, for det er med å auke kunnskapen om lappesaum og quilting, og det rekrutterer nye quiltarar. 
Eg har sjølv hatt med elevar til denne konkurransen fire gonger, og det har vore veldig givande både for dei og for meg som vaksenperson. 

Om du vil sjå Charlotte sitt bidrag frå i fjor, ligg det HER
Og HER kan du sjå artikkel om henne i Romsdals Budstikke.




10 kommentarer:

  1. Heilt supert! Kjekt å få sjå prosessen bak også, dette må en " bøye seg i hatten for" som dei seier på sportssendinga:) ..morsom sammenblanding....

    SvarSlett
  2. Imponerende, rett og slett! Den utholdenheten hun viser med det store arbeidet! Jeg tar av meg hatten.Skjønner godt at hun vant i år igjen. Grartulerer begge to!

    Ønsker god påske fra et Numedal i noen minus og snøvær. Vi har åpent på Stugu så kanskje vi får noen kunder i gråværet....

    Klem fra Ingunn

    SvarSlett
  3. Kjempetøff quilt! Hun har skikkelig talent! Gratulerer til henne og til hennes inspirator og lærer!

    SvarSlett
  4. Det er berre SÅ flott.

    God påske frå Anne-Mari

    SvarSlett
  5. SÅ kjekt og for ein innsats!
    Her ligg mange timar med arbeid ja!
    Gratulere!!

    GOD PÅSKE!

    SvarSlett
  6. Gratulerer, så fint teppe.
    God påske til deg :-)

    SvarSlett
  7. Det var en flott quilt Charlotte hadde på utstillinga. Gratulerer til henne og til mentoren hennes, deg, Edny!

    SvarSlett
  8. Det varmer langt inn i sjela å lese om unge, krative Charlotte. Her mangler ikke på fantasi og skaperglede. I tillegg er hun så heldig å ha en veileder som er kunnskapsrik og meget flink i dette faget. Dette er noe hun utvilsomt må satse videre på.

    God påske til dere begge!

    SvarSlett
  9. Hvilken dejlig og fin historie som du her viser i fotos og tekst. Flot gået af den unge pige og skønt for hende med en mentor/vejleder som dig :-).
    God påske.

    SvarSlett
  10. Fantastisk teppe! Og her må æ bare rose læreren også: Det er så fantastisk å ha inspirerende lærere som SER eleven. Hadde sjøl ei på ungdomsskolen som gravde frem mine kreative sider, og vips er det blitt det som er både yrke og hobby!! Ønske ho all lykke videre på veien ;o)

    SvarSlett

Eg blir utruleg glad om du legg igjen nokre trivelege ord i kommentarfeltet! Har du ikkje eigen blogg, kan du under "kommenter som", velge navn/nettadresse og skrive namnet ditt øverst, hopp over feltet med nettside, så skrive kommentaren og trykk publiser. Eller du kan velge anonym og skrive kommentar og publiser. Det er kjekt om du også skriv namnet ditt og evt. mail-adresse i kommentarfeltet, slik at eg kan finne deg;)

LinkWithin

Related Posts Plugin for WordPress, Blogger...