For fleire år sidan var eg på eit kurs med Bente Vold Klausen, der vi skulle sy med utgangspunkt i helleristningar. Det var ein del utfordringar med bua linjer og uvante oppdelingar, men det var kjempekjekt å lære, og resultatet blei annaleis enn vanlege lappeteppe.
Bente er ein meister med frihandsquilting. Same helg som vi var på kurs, hadde ho utstilling av sine teppe på Skaret i Molde, og då hadde ho omvisning for oss. Det var veldig inspirerande for meg som er veldig glad i å frihandsquilte sjølv. Eg likar godt desse teppa eg sydde på kurset. Quilting og montering blei gjort heime.
Ein gong har eg lyst å prøve å sy desse helleristningane, som er i Nord-Heggdal i vår kommune, Midsund. Og dei har sjølvsagt ei historie:
Desse helleristningane vart tilfeldigvis oppdaga i 1965 av familien Heggdal, som eig hytta like ved. Dei 5000 år gamle figurane var dekte av mose og lav, men vart skimta under ein laus mosebit.
Dei føresteller ei kveite og ein skogsfugl og har detaljerte former.
Det er dei første steinhelleristningane som er påvist i ytre Romsdal.
Helleristningteppene dine er superfine:D
SvarSlettKjempeflotte tepper. Bente lager utrolig mye fint og spennende. Inspirerende å gå på kurs med henne.
SvarSlettAstrid
Flotte tepper frå kurs, men klart du må sy motiva frå nabolaget!
SvarSlettGod syhelg! Trine