Bloggvenner?

Jeg er lei meg for at bloggen har ligget brakk i mange år, men det er jo mye som har skjedd på det kreative plan likevel. Nå lurer jeg på om det fortsatt er ivrige håndarbeidsbloggere her, slik at det er noen som vil komme på besøk om jeg lager nye innlegg om ting jeg har laget? Blir veldig glad om du skriver en kommentar til meg i tilfelle :-) 

Nå har jeg fått melding om at kommentarene ikke blir publisert. Det er synd, og jeg prøver å finne ut av det. Om flere opplever det, så send meg gjerne en melding til ednyreiten@hotmail.com 

Det er jo kommentarer og tilbakemeldinger som er så hyggelig å få. Legger ved et bilde av en toalettveske, sydd til gave til en motorsykkelkar.

 

Sminkepung

Har laga ei forenkla utgåve av mønsteret frå forrige innlegg.

Denne modellen er også på Inspirerende Hobby.

Andre stoff og meir maskinsaum gir

eit heilt anna uttrykk.

Malen er snudd andre vegen. 

Dekoren er mitt design.

Inni her kan du putte småting du vil ha kontroll på.

Til oppbevaring

AnnAKa har eit mønster som heiter "Til vesken". 

Til desse modellane har eg valgt stoff i knallfargar, 

og det gir eit heilt anna uttrykk enn dei duse på mønsteret.

Artig å sjå kor ting forandrar seg alt er etter stoffvalg.

Denne kan brukast som sminkepung, 

eller til å samle småting i veska. 

Bitar er sydd saman, det heile er quilta før brodering, kanting

og glidelåssying for hand.

Den lille mapa er sydd saman av strimler, vattert,

brodert og kanta.

Til slutt er det festa på ein lapp av stoff med tekst. 

Desse modellane er utstilt på Inspirerende Hobby i Molde. 

Alle stoffa er ogå derifrå. 

Trekantpung av dongeribukse

Eit buksebein, ein brukt glidelås og nokre pynterestar blei til ein trekantpung.

 Eg er glad i gjenbruk og redesign.

Applikasjon og pynteknapp på den eine sida. 

Hempa er ein bit av oppleggskanten på buksebeinet..

Den andre sida viser buksesaumen og litt pynt.

Lilja har overvintra ute, og no kjem endeleg blomstrane.

Denne hortensiaen har vore ein liten tufs i mange år, 

men plutseleg i år har den blitt både stor og sterk;) 

Den har nok levd etter desse orda. 

"Wish it, dream it, do it", er ei oppfordring 

til alle som ber på ein draum. 

Og akkurat no er det nok mange lokalpolitikarar som både ønskjer og drøymer 

om å bli stemt inn i kommunestyret ved morgondagens val.

Eg tek av meg hatten for dei som "do it" 

ved å stille som kandidat og engasjere seg for innbyggjarane i kommunen. 

Vi andre må i det minste gjere så mykje at vi gir vår stemme.

Hugs at dersom du ikkje stemmer, kan du heller ikkje klage!

GODT VAL!!

Stødig stoffkorg

Idéen var å sy ei brødkorg med utgangspunkt i ferdig oppkutta stoffbitar eg hadde liggjane. 

Men den blei altfor stor. Slik er det ofte når ein berre skal lage ut frå eige hovud.

Grunnen var nok at eg tok til å frihandsquilte på eit stormønstra stoff med kvitt trykk. 

Det var så kjekt å leike med stoppefoten og prøve ulike trådfargar og mønstringar.

Og eg kunne ikkje skjære bort fuglar etterpå. 

Så laga eg foret inni like stort, 

og frihandsquilta det også. 

Med eit kraftig ytterstoff og vattert både innvendig og utvendig, 

blei korga ganske stødig. 

Eg sydde 3" inn på kvart hjørne. 

Dermed gjer ein stor botn også sitt til at stoffkorga står støtt.

Til brød er den altfor stor, men ei korg er no ei korg, 

og kan brukast til det meste av oppbevaring, både med og utan nedbrett. 

Den endar opp i Oslo hos eit tantebarn som skal starte arbeidslivet sitt der. 

Kanskje blir den til strikketøyet ved godstolen, eller til flasker og ting på badet. 

Sydamens julegåve

I Molde Quiltelag har vi hatt ei utfordring i haust, der vi leverer stoff og tilbehør, og så får vi med nokon andre sine ting heim for å sy.

På instruksen står det at vi skulle levere 3 julerelaterte stoff, 3 knappar, 1 messingring, band og blondar, og evt andre ting etter ønskje. Oppgåva var å lage Sydamens julegåve.

Dette leverte eg i min konvolutt.

Og dette fekk eg tilbake for å sy noko til min hemmelege venn.

Eg tenkte fleire alternativ, men enda opp med ein pose som kan brukast

 til både brød og julas handarbeid. Vi skulle bruke noko av alt som var med, og kunne føye til ting sjølv. 

Eg brukte berre for og vatt i tillegg.

Ved behov for meir plass, så kan kanten brettast opp.

Håper mottakaren kan sjå seg nytte i posen.

Og på julemøtet i quiltelaget blei alle resultata avslørt, 

og eg blei den heldige eigar av dette fine juleteppet.

Artig å sjå kva andre får ut av mine stoff, 

Og eg som er så glad i englar;) 

Har du lyst å sjå dei andre resultata, kan du ta ein kikk HER.

Oppbevaringsbokser DIY

Nataliya har oppretta ein blogg som heiter DIY Norge. Kjempeflott tiltak, og eg vil oppfordre alle om bidra der. Tenk kor mange gode idéar det kunne ha blitt til saman! Ho kan også legge til din blogg om du ønskjer det. For oktober har ho ei utfordring som heiter fargar, og her er mitt innlegg dit.
  

For ei stund sidan viste eg nye boksar og hyller på hobbyrommet. 

Her er to av boksane og ein tapetrull. For å friske opp ein gul Ikea-boks og ei skoeske, har eg klipt bitar av tapeten og limt på. Enkelt og kjapt. På skoeska var det naturleg for å skjule lappar som var på den, og på den andre boksen var det kun for å dempe gulfarga og for å få litt stil.

Slik blei det i hylla. All slags pair kan sjølvsagt brukast. Eg brukte tapet berre fordi eg kjøpte den samtidig med boksane.

Bak klokka har eg lagt inn ein bit av same tapet. 

Opprinneleg skulle det vere små bilder inni firkantane. 

HER er innlegget frå før klokka kom på veggen;)

Meir til oppbevaring på hobbyrommet

Hobbyrommet var mildt sagt hulter til bulter, men i sommar har eg faktisk teke litt tak i det. 

Rommet er stort, men sidan eg samlar på alt muleg, blir det aldri nok plass til oppbevaring.  

Eg fann ut at ei hylle til med fire rom var det eg kunne presse inn. Og heldigvis kjørte vi forbi IKEA i sommar. Dvs at vi kjørte ikkje forbi, men stoppa;) Og då blei det hyller, to dører og nokre gule boksar.

Det gule blei for prangande, for der er ei salig blanding frå før. 

Men med litt dekor frå ein tapetrull eg også fekk med meg, så blei inntrykket heilt forandra.

Eg tok også litt dekor på eit par skoesker.

Den nye plassen lagrar no ein del av alt det eg samla frå naturen då eg heldt på med prosjektet mitt, og i skoeskene er det fjør og andre ting frå fjøra.

I to av dei gule boksane sorterer eg forskjellig tørka ting frå skog og mark.

I den store gule boksen, er det pinnar og kvistar.

Slik var det før den nye hylla kom oppå.

Den nye hylla er kvitare og har mindre kant rundt, men det gjer ingen ting på eit hobbyrom. 

Egentleg var det berre flaks, for eg trur ikkje den hadde gått på høgda om kantane var like tjukke;)

Har planer om å merke når alt har fått sin plass, men her viser allereie eit barkehjerte at det handlar om natur. Bak den døra er korger med skjell, steinar o.l.

No har det som før stod på toppen, kome ned på benken. 

Klokka har fått same dekor som boksane.

I bakkant står blomsten eg sydde med vepsebol i midten. Begge deler skal opp på veggen.

Kvistar og store fjør har fått ny plass på hylla. 

Det var naturdelen på hobbyrommet. Seinare skal du få ein titt på andre ting. 

Det er så mykje kjekkare når det er orden, og eg merkar allereie at kreativiteten blomstrar meir igjen;)