Høgt på ei grein

Eg har lova å kome med meir etter omsnuing og forandring på soverommet. Det prosjektet eg hadde i tankane då, har ikkje blitt gjort endå, men det skal bli;) Det går ikkje så fort i svingane, men planlegginga er no også viktig;) Men i går fekk eg laga noko anna til soverommet, nemleg ei svartmåla grein med sølvfuglar på.

Eg sette greina i snøen, som uventa lava ned til påske, og spraya på.

Og sidan det var litt sol, tørka det kjapt.

Greina startar på toppen av skåpet her.

Møblane er så lyse, så blomstrane forsvant mot bakgrunnen.

Eg festa så ei remse av tynt stoff nedover skåpsida og bortover kommoden. Med Glue-dots (for scrapbooking) på toppen av skåpet og nede i overgangen, gjekk det fint;)  Ein fugl fekk plass oppi her også;)

Biletet, som eg viste her, har foreløpig fått plass over kommoden.

Og har du lyst å sjå første innlegg frå soverommet, kan du gjere det her.

Nytt på veggen

Når vi har forandra på soverommet, er det kjekt med noko nytt på veggen også. Eg begynte å leike meg litt med ein bit av gardinstoffet. La vatt bak stoffet og sydde to omgangar med sølvtråd rundt blomsten. Her og der festa eg på litt effektgarn i veggfargen, og sydde så fast nokre diamantar;) for å matche lysekrona;) Stilfullt må det vere veit du;)

Ei diamantrekkje frå eit belte blei stilk saman med nokre blad frå scrapbookinga;) Eg likar å bruke ulike materiale og effektar for å lage særpreg;)

Her er det ferdig dekorert og stifta på eit lerret. Dekoren kjem dårleg fram her..

Eg blei egentleg ganske fornøgd;)

Korleis det blir på veggen, får du sjå i eit seinare innlegg.

Gardinstoffet er kjøpt på Jysk, og her er eit utsnitt utan dill og dall festa på;)

Før var det ei lang stang med sidegardiner. No er det rullgardiner og små kapper inni karmen.

Gløymte å ta førbilete, men lysekrona blei hengt opp før gardinene blei skifta, så det er eit lite glimt i bakgrunnen;)

Sov søtt ;)

Har lenge tenkt på å ommøblere soverommet, og vurdert dei nye utfordringane som følgjer med.

Men det blei veldig kjekt når ideane kunne setjast ut i praksis;) Pengar vi fekk i julegåve frå mor skulle brukast på prosjektet, og i januar er det mykje fint å finne på salg også.

Det eine eg har tenkt på, er sengegavl, for det hadde vi ikkje før senga blei flytta heller. Eg likar alt som er både fint og praktisk, -og helst noko som andre ikkje har;) ;) 

Vi enda opp med å kjøpe 6 svarte og 6 lyse velurputer på Kid, og stifta dei rett på veggen i eit sjakkmønster. Det var ikkje så lett å få det både tett og fint, og i etterpåklokskap tenkte eg på at det beste hadde nok vore å stifte det på ei plate først... Men er uansett fornøgd med resultatet;)

Sidan farga på veggane er aprikos-oransj, fann eg ut at eg måtte halde meg til svart og lyst på interiøret. Over putene er det ei svart hylle, og leselys er skrudd opp under hylla. Desse lampene hadde vi frå før.

Det var nok  krystallknappane som gjorde utslaget for putevalet, for dei passa til lysekrona vi kjøpte på Skeidar;)  

Over senga er det ikkje ferdig endå, men du kan no få eit foreløpig glimt;) Har fleire planer her, så berre følg med;)

Blomsterranken frå Nille er spikra rett på veggen. ZZZ er frå Skeidar, og den hekla stjerna er kjøpt i den sjarmerande butikken Fru Rosas Landhandel.

Etter ommøbleringa, kom senga heilt inntil skåpsida, og kvar skulle min stakkars mann legge frå seg bøker, klokke og briller?? På hylla over senga, blei både tungvint og for rotete. Det måtte vere noko som ruva lite, for det kan vere lett å stange borti i nattas mulm og mørke! Etter nokre dagar med spekulering og jakting på ei smart løysing, fekk eg ein lys ide på Kid! Dei hadde servietthaldarar i svart metall, berre å spikre rett inn i skåpet. Akkurat stor nok til ei bok! At eg ikkje hadde tenkt på det før. Tankane hadde vore innom bokstativ til kokebøker bl.a.

Eg kjøpte med to servietthaldarar for godkjenning, og dei kom opp saman med ei lita biletlist til klokka og brillene. Så no er det berre å velgje bok for kvelden, og sette seg godt til rette i den nye sengegavlen;)

Det kjem påfølgande innlegg frå soverommet seinare! Det må berre gjerast ferdig først;)