Slumreteppe av trekantar

I sommar sydde eg dette slumreteppet etter boka "kult å sy" av Grete Gulliksen Moe.

Grå, rød og svart var gode fargar å jobbe med.

Eg brukte 12 ulike stoff til trekantane, 

og prøvde å få frem spenning med ulike mønstringar.

Baksida er grå og det er vattert med bomullsvatt.

Lukkekanten har mønstring i svart og grå.

Utsikta kan vi ikkje klage på. 

Restane av det gamle plommetréet er godt å ha til fotografering ute.

Spesielt hjertet etter ei avsaga grein må eg berre ha med.

I første omgang er det utstilt på butikken Inspirerende Hobby i Molde.

Alle stoffa er frå butikken.

Dette bildet er tatt frå utsida av butikken.

21. og 22.oktober blir det med på Kunst- og handverksmessa 2017 

på Eidet Kulturhall på Vatne. 

Eg ser fram til å delta der for første gong. 

No blir det full fokus på produksjon framover.

Påskeløpar

For mange år sidan sydde eg denne påskeløparen, 

og til kvar påske kjem den fram i lyset.

Fleire lag stoff blei skjært fritt. 

Stoffbitane skifta plass før samansying. 

Ei svart stripe blei felt inn, og ein svart sidekant samlar det heile.

Morosam og kjapp teknikk.

Quilta litt på kryss og tvers. Det ga ein fin effekt.

Sidan det er påske, fekk nokre kyllingar flytte til inngangspartiet.

Jammen har ikkje eit par egg gøymt seg også.

Men med nærare ettersyn så kom det tydelegare fram.

Det er nok påskeharen som har vore på ferde.

Molde Quiltelag feira 25 år denne veka, og då måtte vi sjølvsagt 

pynte og gjere ein del ekstra ut av møtet. 

Her er løparen min og ein nydeleg dekorasjon laga av Marit Sande Iversen.

Riktig god påske til deg som kikkar innom meg.

Hemmeleg

Eg er leiar i Molde Quiltelag, og har i snart fire månadar hatt regien 

med å førebu ei hemmeleg gåve. Alle medlemmane fekk utfordringa

med å sy ei hjerteblokk på 9,5x9,5", og levere i smug på eit av quiltemøta. 

Her er den eg laga.

Alle var så positive og likte idéen, og det kom inn så mange fine hjerteblokker i svart og rødt.

Dei blei lagt i ei eske, med silkepapir over, slik at alt ikkje blei avslørt med ein gong. 

På toppen låg ein pose med hjertedrops og ein papirrull.

Og heldigvis hadde vi klart å gjennomføre dette utan at Ruth hadde fatta 

at noko var på gang. Ho blei både satt ut, overraska, rørt, glad og overvelda.

 På denne måten ville vi vise vår store takk for at ho har stått åleine på kjøkkenet

og laga mat til oss på kvart einaste quiltemøte gjennom heile året. På eige initiativ.

Etter at seansen var over, hengte vi opp alle blokkene slik at alle fekk sjå. Så mange fine, og

utruleg kor ulike dei blei. Teknikken var fri, og her er det sydd både for hand og på maskin, 

Det heile starta med at eg sendte ein e-post til alle i laget, utanom Ruth då. 

Alle fellesskriv ho ikkje hadde sett, limte eg opp på ark og rulla saman.

Og inni hjerta står ein del av dei fine kommentarane som kom undervegs.

Fekk knipsa nokre av blokkene før alt blei pakka ned. 

Denne nydelege blokka skilte seg ut. Takk for kaffe og mat på fat, står det. 

Den er laga av Trine Rønneberg, med bloggen Trines Hobby.

No gleder vi oss alle til vi får sjå kva Ruth lagar av blokkene ho fekk.

Ho blei utfordra til å sy eit slumreteppe.

Gåve til kattevenn

Denne sminkepungen lage eg i gåve til ei som er glad i kattar.

Praktisk til både det eine og det andre.

Og så håper eg at desse fargerike kattane også kan vere til 

glede og oppmuntring

i ei slitsam opptreningstid.

Godt å vere ute om dagane no.

En lappeløper

Denne er sydd etter møsteret "En lappeløper" av AnnAKa, 

Eg har brukt heilt andre fargar.

Ingen av rutene er like.

Blomsten i hjørna er applikert på.

No er den modell på butikken "Inspirerende Hobby",

og forhåpentlegvis inspirerer den fleire til å lage sin eigen løpar i sine fargar.

Til oppbevaring

AnnAKa har eit mønster som heiter "Til vesken". 

Til desse modellane har eg valgt stoff i knallfargar, 

og det gir eit heilt anna uttrykk enn dei duse på mønsteret.

Artig å sjå kor ting forandrar seg alt er etter stoffvalg.

Denne kan brukast som sminkepung, 

eller til å samle småting i veska. 

Bitar er sydd saman, det heile er quilta før brodering, kanting

og glidelåssying for hand.

Den lille mapa er sydd saman av strimler, vattert,

brodert og kanta.

Til slutt er det festa på ein lapp av stoff med tekst. 

Desse modellane er utstilt på Inspirerende Hobby i Molde. 

Alle stoffa er ogå derifrå. 

Jakke fra svunnen tid

Denne jakka blei sydd til mi lille jente for ca 25 år sidan. 

Når eg studerer den no, ser eg kor mykje arbeid eg hadde lagt ned 

med lappar i alle retningar. 

Dette var før eg hadde skjæreutstyr også.

Detaljane var viktig med både tittekantar og hempe.

Ryggen har også fått både lappar, tittekant og quilta fugl. 

Men bildet er dårleg. 

Artig å mimre litt over svunnen tid.

Fargerik

I 2014 var fargerike og kreative Charlotte med i 

barnekonkurransen i Norsk Quilteforbund for første gong. 

Teppet "I min hundehage" blei presentert i dette innlegget.

Jenta i hengekøya er henne sjølv, 

og eit slikt hår vil ho ha ein gong, sa ho då.

Og no, to år seinare, har draumen blitt oppfylt. 

Morsomt og målbevisst.

Litt seinare kom ho med nye striper. 

No på tvers;)

HÅP om eit godt 2016 og litt oppsummering frå 2015

Det er første dag i 2016. Eit år med ein ekstra dag til oss.

Eit år eg håper skal bli betre enn året som har gått for mange. 

HÅP må ein alltid ha med seg.

I dag fyller bloggen min 4 år. 

Eg føler at det har skjedd mindre enn vanleg her inne dette året, 

men når eg blar meg bakover, var det faktisk meir enn eg trudde. 

Derfor fekk eg lyst å linke tilbake til nokre av innlegga. 

Bildet over her er ein del av ei bryllupsgåve.

HER er resten av det eg laga til brudeparet.

Bursdagsgåve til min jazzonkel kan du sjå HER.

No treng han dei beste ønskjer om god betring, 

etter ein lang og vond sjukeperiode.

Og så håper eg at doktor Nesehorn fekk 

dei 8 små sjiraffane friske igjen.

HER er det innlegget.

 Ugleopphenga blei populære, og eg har nokre bestillingar 

som eg skal gjere ferdig snart.

Nokre fleire ugler kan du sjå i DETTE innlegget.

Ei triveleg hending i 2015, var at eg blei plukka ut til å vere hobbyambassadør. 

I romjula kom denne koselege pinnemålaren saman med boka 

"Lun strikk til hele familien" fra Cappelen forlag.

HER kan du sjå første innlegget eg hadde om Hobbyklubben.

Dette har vore eit godt og inspirerande samarbeid for meg, 

som gjer at eg no har mange idéar til nye prosjekt i 2016.

 Bordet er her dekka til siste middag i 2015. 

No ser eg fram til mykje godt i 2016. 

HÅP om det beste for alle eg kjenner, 

og til deg som kjem hit på bloggbesøk. 

HÅP også til alle dei som opplever vonde ting i inn og utland. 

Måtte 2016 gi alle fred, mat og husrom.