Snømannbilde for barn

I jobben  min har eg ein del forming med barn, 

og det er ei utfordring å finne aktivitetar der dei kan greie det meste sjølv. 

Demonstrasjon er like viktig som forklaring.

Snømannbilde fenga mange.

Først farga dei på kartong med kvit fargeblyant.

Så laga dei snøfnugg med Qtip dyppa i maling.

Snømannen er av bommullspad, der den eine er klipt litt mindre.

Kvistar til armar blei lagt under ved liming. 

Ein liten filtnase og prikkar med sprittusj til slutt.

Det blei mange sjarmerande uttrykk.

Alle fekk ramme og oppheng på sine kunstverk.

Nokre pynta litt ekstra.

Og mange fekk fine snømannbilder til julegåver.

Englar i redesign.

Til jul fekk eg desse sjarmerande englane av snille Janne. 

Ho kjenner meg, og veit at eg likar både englar og redesign.

Dei fekk plass i kjøkkenglaset, og har vore 

vitne til mykje vér, -både regn, snø og blåst. 

Det er altså ikkje sola du ser bak i skogen.

Englane er laga av gamle dukar, 

og har verkeleg si personlege sjel.

Og baksida er frå ei blondegardin.

No er englane tatt ned, men skal absolutt få sin plass til advent. 

Denne skjønne snømannen hadde min snille svigerdatter laga til oss i fjor. 

No har han kosa seg saman med englane. 

Eg likar så godt vintermiljø, så den skal få vere her ei stund til.. 

Velkommen

Velkommen til oss, og veldig kjekt om du kjem på besøk i bloggen min også, 

sjølv om det har vore dårleg med oppdateringar det siste året. 

Men nytt år, og nye moglegheiter!

Eg likar så godt å ordne eit triveleg inngangsparti. I desse advents- og juleider

er det ekstra mykje å bruke også. 

Samtidig har eg satsa på ein vinterleg stil,

slik at det kan stå ekstra lenge. Men den ekte vinteren

har vi ikkje sett noko til endå.

Her er lys, hyller og figurar i kombinasjon med greiner og ting frå naturen,

som alltid vil følgje meg.

Nissemor lurer på kor nissefar har teke vegen.

Skal tru om småfuglane veit?

Rosene kosar seg ute i mildvéret, 

og merkar ikkje noko til regn og blest under overbygget.

Lite anar nissemor om at Snekkar Andersen og julenissen gjer 

hemmeleg avtale denne julekvelden.

Julekvelden blei stor for nissefamilien,som fekk besøk av ein ekte snekkar. 

Han laga både kjelke, dokkeseng, grautsleiv, og ikkje minst ein stokk til gamlenissen,

slik at han kan bevege seg over golvet. 

Heime med snekkaren forstod dei ikkje at det var den ekte julenissen som hadde vore på besøk.

Romjula og 2016 er på hell, 

men jula varer heilt til påske vel?

Men derimellom kjem visst fasten.....

Handlaga gåver

No skal du få sjå dei fine handlaga gåvene eg har fått til jul.

Frå Birgitte fekk eg eit kjempefint englebilde.

Nydelege fargar og stoff. Ramma er sydd i ulike stoff og med tittekant. 

Bildet er stramma opp på ei lerretsramme, men det kjem ikkje fram her. 

Engelen er hennar eige design.

Alt Birgitte lagar er så delikat og fint utført. 

Mykje av det kan du sjå på bloggen hennar Handmade by BiR.

Min svigerdatter kom med denne skjønne snømannen.

Og mor hennar har hekla dette flotte opphenget.

Denne nydelege engelen låg i pakken frå ei venninne.

Denne herlege nissen fekk vi også, 

Skjegget skjuler den strikka og tova kroppen.

Eg var av dei heldige som fekk julestrømpehelsing 

med nissesjokolade frå Birgitte. 

I dette innlegget kan du sjå dei andre fine strømpene også. 

Englebildet har kome på veggen, 

under det lille skapet med barna sine første sko i. 

Tusen takk til Birgitte og dei andre for veldig fine gåver.

Bryllupsgåve

Gleda var stor då vi fekk invitasjon til bryllup då eit tantebarn skulle gifte seg. Det er så lenge sidan sist vi var i bryllup. Så begynte tankane rundt gåve å svirre. Dei er godt etablerte frå før og har det meste. Eg likar å lage personlege gåver, men samtidig vil eg at mottakar ikkje skal føle at det må stå framme. Det handlar om stil, smak og om det passar inn. 

Denne gongen enda det opp med praktiske bruksting. 

Først sydde eg trekk til ein boks med tennbrikettar. Det kan no vere nyttig for å få lettare fyr i omnen eller på bål ved utflukter. Og så er det berre å fylle opp med fleire når det er tomt. Eg veit i alle fall at dei har god tilgang på ved. 

Sidan begge jaktar, passa det med eit hjortepar med bankande hjarte for kvarandre.

Jakt og fiske er populært, og vatnet i dammen får vere symbol for fisk her.

Hjarter går igjen i gåva.

På baksida av neverhjarta er det namn og dato. 

Og i det som er applikert, er bodskapen "hold varmen", og det er meint i dobbel forstand.

Ein furukvist har fått påsydde nåler.

Eit serveringsbrett er praktisk til bruk både inne og ute.

Men kanskje er det koselegare å bruke med ei brikke nedi. 

Derfor laga eg tre ulike, alt etter årstid og kva som passar. 

Denne kan brukast til jul, men også heile året om ein vil.

I eine hjørnet har eg sydd inn bryllupsdatoen.

To hjarte har smelta saman. 

Så blei det ei brikke i lilla. 

Den kan vere til advent, men kan også brukast heile året.

Her har eg lurt inn hjarte i frihandsquiltinga.

Den tredje brikka har ramme av ulike stoffbitar som handlar om livet.

Hus, natur, reise, ord, store og små hendingar. Kryssord viser at ting kan gå både vassrett og loddrett, men med godt samhald og samarbeid løyser det meste seg.

Dette sitatet av M. Bonnamo sydde eg inn, for det passar etter å ha sagt ja til å elske og ære kvarandre, og leve trufast saman til døden skiljer dei ad. 

"Å leve lykkelig til sine dagers ende, er noe man må gjøre dag for dag."

Då håper eg at gåva kan vere både til nytte og glede i mange år.

Gårsdagens bryllupsfest var flott og triveleg. Maten på hotellet var fortreffeleg, 

og kakebordet bugna av heimlaga kaker, som var bakt på dugnad. 

Mannen laga nøttebotnen til denne kaka, og eg skar ut og pynta med smørkrem.

Puy, svigerinne til bruda, hadde laga desse kunstverka av fruktfat. 

Namna til brudeparet er til og med skore ut.

Tusen takk, Inger Anne og Asbjørn, for at de ville dele denne fine dagen med oss. 

Med dei beste ønskjer for framtida til denne flotte familien, 

får dette innlegget vere min "dagen derpå-tale".

Prøysenåret er over

"HJELP! Er det 2014 allereie?", var overskriften til årets første innlegg, 

og Teskeikjerringa sin innledning til

Prøysenåret, som no er over. Men Alf vil nok følgje oss vidare både i jul og kvardagar framover også.

Dette flotte nisseparet fekk vi i julegåve i år, og dei er eit flittig par.

"Nå har vi vaska golvet, og vi har børi ved."

"Nå sett vi øss og hvile og puste på ei stund,

imens je rugge vogga, så bror din får en blund."

Og tel og med tre vise menn – dom rei i flere da’r

og ingen visste vegen og itte ’hen det bar,

men stjerna sto og blonke på himmelhvelven blå

så ingen ta dom gikk bort seg og alle tre fekk sjå.

Ja, det var fyste gongen som julestjerna brann,

men sea har a brønni i alle verdens land,

og såmmå å som hende er stjerna like stor

– du ser a over taket der a Jordmor-Matja bor.
(her: der gode naboer bor;)

Snekker Andersen er klar til å glede julenissefamilien.

Aldri før har dei hatt så kjekk ein julekveld.

En skulle vøri fire år i romjul’n
og kjint ei jinte som var nesten fem,
og begge skulle kledd seg ut med masker
og kømmi julbokk tel et bæssmorhem.

Og klokka skulle vara midt på dagen
og vægen skulle vara lett å gå,
og æille bikkjer skulle vara inne
og æille biler skulle bære stå.

Prøysen har fulgt meg dette året gjennom fleire innlegg. 

HER er nokre av dei.

Alf Prøysen skreiv så godt og fekk det enkle og sparsommelege til å sjå så fint ut. 

Til og med musefamilien fekk ei fin jul av han. 

Der var det kreativitet og redesign.

"Og musefar han trekte frem ei støvel utan tå.

Den pynta dei med spindelvev og småspiker og sånt.

Og så sette de en fleskesvor i hempa på`n.

Visst ingen går i fella, men passer seg for den,

skal alle snart få feire jul igjen.

I morgon startar eit nytt år

"med blanke ark og fargestifter til".

I romjula labba det ned med snø, og i dag på nyttårsaftan viste gradstokken 11 grader pluss.
2014 var eit fint vérår med lite snø og ein varm sommar.
Så får vi sjå kva 2015 vil bringe,