Haustkrans

Vi har hatt sommartemperaturar nesten heile september, 

og i går starta oktober på same vis. 

Då er det kjekt å gå tur og plukke med seg noko av 

alt det vakre naturen byr på, og i går enda det opp i ein haustkrans.

Kjekt å markere årstida sjølv om temperaturen forvillar oss.

Haustfargane sklir inn i den ytre oppussinga eg viste tidlegare.

Tenk å sitte ute og pusle i sol og 18 grader i oktober! 

I september var det 20 grader mange dagar,

Dekoren varer nok ikkje så veldig lenge, 

men kanskje den held til adventskransen skal opp.

Husmaling og inngangsparti

Det er på tide å få litt liv i bloggen igjen. Eg startar med sommarens største prosjekt, 

som var husmaling. No er det ikkje gult hus meir.

Tre strøk maling tok si tid, men så var det ekstra kjekt å å ordne og stæsje etterpå.

Inngangspartiet fekk ny stil.

Prøvde å få ein maritim vri.

Termometeret hadde ei trollkjerring.

Ved hjelp av redesign, så blei det som nytt.

Fyrtårnet måtte jeg bare ha, og det var det som ga føringer for resten.

Den gamle krakken og hylla fekk maling, og eg plukka fram ting eg har samla på.

Døra og trappa blei også måla, og då måtte det ei ny dørmatte til.

Trappa er overbygd, så då mykje kan stå ute.

Denne krukka fekk litt spray, og blei finare enn ny.

Sommarfuglen har Birgitte måla, og mjølkespanna er etter bestefar.

Og endeleg fann eg ut korleis husnummeret skulle opphengast. 

Det skal eg vise meir i neste innlegg.

Årets tristaste dag

21.april er ein trist dag i vår familie. Den siste dagen min søster var 13 år,

mista ho livet på fjelltur. På 14års-dagen blei ho lagt i kista.

Denne vakre brikka med hardangersaum har ho brodert. 

Den er eit kjært minne for meg.

Rundt bestemor si symaskin har eg både englar og gode minner.

 

Der ligg også denne nydelege brikka.

Fint og nøyaktig brodert, og med holsaum rundt falden.

Ho var så flink trass sin unge alder.

Eg tok med ein blomsterbukett til min mor i dag.

Ho hadde tent lyset i denne, som er laga som minne.

Så var eg på grava og planta litt blomster. 

Det er ikkje så mykje som tåler å vere ute endå, 

men det blei fint.

Sorga vil alltid vere der. Godt å kunne minnast. 

Dette innlegget laga eg eit tidlegare år.

Vinter har blitt til vår

Eg ordna eit utemiljø ved inngangen til advent.

Over nyttår tok eg bort det som var mest julete, 

og så stod resten heile vinteren. 

No har eg tatt bort det mest vinterlege, 

og skal vri det mot vår. Mykje av dette har faktisk stått heile tida.

Naturelement må eg ha med.

Epla har vore der heile tida.

Nokre vårkvistar har kome til, og eit par planter har flytta ut.

Snekkar Andersen driv med sitt, men han har nok ein ny

avtale med julenissen til neste jul kan eg tenkje meg.

Bianca tek seg gjerne ein kvil i stolen.

Eg trur faktisk eg berre vil bytte ut litt småtteri etter kvart 

som nye årstider melder seg.

HER kan du sjå korleis det var i jula.

Nyttårsbord

Med nokre glimt frå nyttårsbordet, 

vil eg ønskje alle som besøkjer meg på bloggen, eit riktig godt nytt år!

Natur, sølv og mange lys.

Eg likar å prøve noko nytt frå år til år.

Granbar, kongler, roser, klementiner, lysglas, barkestjerner og dyr.

Heilt enkelt, men likevel frodig.

Og ein dekorasjon på enden,

med eit ønskje om eit godt bloggår. 

Velkommen

Velkommen til oss, og veldig kjekt om du kjem på besøk i bloggen min også, 

sjølv om det har vore dårleg med oppdateringar det siste året. 

Men nytt år, og nye moglegheiter!

Eg likar så godt å ordne eit triveleg inngangsparti. I desse advents- og juleider

er det ekstra mykje å bruke også. 

Samtidig har eg satsa på ein vinterleg stil,

slik at det kan stå ekstra lenge. Men den ekte vinteren

har vi ikkje sett noko til endå.

Her er lys, hyller og figurar i kombinasjon med greiner og ting frå naturen,

som alltid vil følgje meg.

Nissemor lurer på kor nissefar har teke vegen.

Skal tru om småfuglane veit?

Rosene kosar seg ute i mildvéret, 

og merkar ikkje noko til regn og blest under overbygget.

Lite anar nissemor om at Snekkar Andersen og julenissen gjer 

hemmeleg avtale denne julekvelden.

Julekvelden blei stor for nissefamilien,som fekk besøk av ein ekte snekkar. 

Han laga både kjelke, dokkeseng, grautsleiv, og ikkje minst ein stokk til gamlenissen,

slik at han kan bevege seg over golvet. 

Heime med snekkaren forstod dei ikkje at det var den ekte julenissen som hadde vore på besøk.

Romjula og 2016 er på hell, 

men jula varer heilt til påske vel?

Men derimellom kjem visst fasten.....

Messe på Vigra

I helga skal eg delta på messe på Vigra. 

No er det innspurt, og her kjem det siste eg er ferdig med.

Det blir ein del ugleoppheng i ulike variasjonar.

Desse to fekk flytte på ei grein eg forelska meg i i sommar.

Desse to turtelduene er i det romantiske hjørne.

Dette har eg vist i eit tidlegare innlegg.

No har eg laga nye versjonar av motbakke.

Har dekorert bakgrunnen for å skape meir spenning.

Ein litt mindre versjon.

Synst det passar mot solnedgangen.

Dette er stort, og det er meir som skjer.

Det tek tid å sy rundt kvar ein stein også.

Litt garn, band, tyll og leik med stoppefoten.

Alle vegar er ikkje like lette å gå, 

og det vanskelegaste er kanskje å komme i gang.

Det hjelper når det er ei lysning i sikte.

Det er i motbakke det går oppover.

Så får vi sjå kva veg det går på messa. Uansett gleder eg meg. 

Og det hadde vore ekstra kjekt å treffe nokon som er innom her på bloggen.

Messa på Viking Vigra er open 

laurdag 29.okt 12-18

og søndag 30.okt 12-17