"Eg fann, eg fann"

Vestlandstreffet i Molde er over, og vi har fått mange gode tilbakemeldingar. Saman med mange quilteglade damer frå heile landet hadde vi ei kjekk og innhaldsrik helg. Sidan eg både skulle ha utstilling og halde fordrag om naturprosjektet mitt, har eg venta med å legge ut dei siste produkta mine på bloggen, for eg ville det skulle vere ein del nytt også for dei som hadde sett og høyrt ein del frå før. Først ut no er dette fotsporet.

Det er mykje å finne når ein går på den endelause landeveg. 

Det har blant andre Espen Askeladd oppdaga. 

Eg blir ofte kalla Askeladden, fordi eg ser nytte i det meste

eg finn ute på tur og tek det med. 

Og det tek eg som eit komplement;) I foredraget fortel eg også kvifor eg har sansen for Askeladden.

Og slik som Askeladden og "jeg fant, jeg fant", fann eg også ein utgått skosåle. Askeladden greidde å vinne "Prinsassa som ingen kunne målbinde", medan eg blei sendt rett ut i eventyrverden i naturprosjektet mitt. 

Eg har brukt sjølve skosålen i dette sporet her, sjølv om Skjæråsen seier at "Du skal itte trø i graset". Skosålen er sydd fast som hæl, og på den fremste delen har eg sydd crazy quilt oppå tjukk filt, og så festa den til bakgrunnen med tungesting. Orda rundt er sydd på frihand. 

Men skosålen har også inspirert meg i foredraget, og til å sy fleire eventyrting med naturmateriale i. Dei skal eg vise seinare.

Når vi går på tur, kan vi synge og tralle, gå i alle retningar, drøyme om den store kjærleiken, eller føle at vi går i ein labyrint eller heilt rundt oss sjølve. 

Vi kan få både rusk, småstein og hol i skoa. Vi kan også tråkke på både gras og maur, men blomster og marihøne prøver vi å verne. Eg trur det er noko med instinktet.

Når eg er ute på tur svingar tankane mine mellom håp, draumar, omsorg, sorg,

glede, tru, ønskjer, lykke og fred. 

Eg bearbeider vanskelege ting, gleder meg over kjekke ting og vår vakre natur, planlegg framtidig arbeid, og enkelte tankar blir klarare.  Men ikkje minst så blomstrar kreativiteten når eg oppdagar skattar;)

I kløverenga kan det også vere lykke å finne, men det er vel best å vandre vidare:)

Ugler og andre fugler

Birgitte har laga mønster til det bedårande ugleparet Mons & Molly. 

Løp og kjøp mønster og les meir om vottane HER.

Her har eg laga eit velkommen-skilt på rekved.

Smil! Det smitter;)

Wish it, dream it, do it

Wish it,

dream it,

do it!

Det er viktig å lytte til eigne ønskjer og draumar, og gjere noko med det!!

Det er så lett å berre la det bli med tanken. Men den som står i ro, kjem seg ikkje vidare.

Vi må våge. Ukjente ting veit vi ikkje korleis er før vi har prøvd, og gitt det en sjangse.

Dei fleste angrar ikkje på det dei har gjort, men på det dei ikkje gjorde. Ein tankevekkjar!

Ei einsleg rekvedfjøl med nokre få ord kan faktisk få oss til å tenkje.

Wish it, dream it, and DO IT!

Nålputer

Nålputer er kjekt å ha både for den som syr mykje, og for den som berre treng ei nål i ny og ne.

Ein varm og fin septemberdag blei det eit fint syprosjekt ute.

Og når mykje var ordna på førehand, så blei nokre framsider ferdige.

Nålputa er fylt med ris og vatt, så den ligg stødig og godt på bordet.

Stikk den;)

BE fantasy

På laurdag var datter mi og eg med på marked i Molde. I den anledning ordna vi oss eit felles namn, BE fantasy. B for Birgitte og E for Edny. Vi brukar fantasien, og har kun produkt av eigen design. Om vi deler opp namnet, så har vi "jeg fant, jeg fant", og begge kan no å sy;) Øyriket i Romsdal, som består av kommunene Midsund, Aukra og Sandøy, invaderte byen. Massevis med boder og aktivitetar. Der var bedrifter, mat, underhalding og handverk. Håper dette blir fast tradisjon. 

Her er ein del av tinga våre før pakking.

Bianca var veldig behjelpeleg i innspurten. Desse fine halsane er Birgitte sitt verk.

Det var mykje folk innom, så det var veldig triveleg. Litt salg blei det også.

Birgitte har mykje fin hekling og strikking, og ho skal no lage mønster til fleire av tinga sine.

Her er ein del av tinga våre. Meir om dei ulike produkta kjem etter kvart;)

Men størst blant dem er kjærligheten

 

Dei kjente orda "-tro, håp og kjærlighet. Men størst blant dem er kjærligheten" kjem frå Kjærlighetens høysang.  Desse orda er mykje brukt både i sorg og i glede. Dei inspirerte meg til å lage dette artbiletet, og eg er glad i frie teknikkar og ulike materiale.

 

Slik kan det gå når eg er så opptatt av detaljar at eg må mate og styre heilt inntil nåla. Men ei 90 metallnål stod det av, og knakk heldigvis ikkje inni fingeren.

 

Så då kunne eg jobbe vidare. Det er faktisk berre andre gongen det har skjedd. Sist var då eg sydde dette teppet til min mor sin 75-årsdag. Det gjekk bra då også;)

 

 

Bakgrunnen er ferdig, og då er det berre resten igjen;)

 

Og eg veit aldri på førehand korleis resultatet vil bli.

 

 

Denne gongen brukte eg blant anna hekla roser til dekor.

 

tro

 



håp

 



og kjærlighet.

 

Men størst blant dem er kjærligheten.

 

 

Skilt av drivved. "Home is where your heart is."

Eg hadde ein drivvedplanke eg likte så godt. No fekk eg lyst å dekorere den på eit vis. Forma fekk meg til å tenkje på hus. Og slik blei det. Hus av tjukk ullfilt og møne av bjørkenever. Det er dekorert med angelina, garn og frihandsquilting.

Det var eit hol i planken, og det måtte no brukast. Det enda opp med makramésnor med perler og eit sydd hjarte i enden.

Som du ser, så fyrer dei godt i heimen. 

To jo-jo-blomstrar bind saman vegen frå hjartet til huset.

Inni dusken i enden av snora er det ei bjelle,så det er bare å lage eit lite pling til hei.

"Home is where your heart is." Så står det att å sjå om nokon vil ha det i heimen sin, eller kanskje til ei gåve.