Av og til blir eg mektig imponert over kva elevane får til.
Sanna er ei som har gitt meg hakeslepp fleire gonger.
I går hadde ho sin siste skuledag på Tøndergård, og på festen hadde ho
ein powerpoint-presentasjon som viste den lyse dokka frå idé til ferdig produkt.
I fjor imponerte ho oss med denne bruda, men den var egentleg berre ei prøvedokke
for å finne ut korleis ho skulle lage den nye.
Eg har fått lov å lage eit blogginnlegg, og for å få fram alle detaljane,
blir det mange bilder. Her har ho allereie laga mykje.
Kroppen er klipt i fleire delar, vrengsydd, stappa og forma både foran og bak.
Genseren er nesten ferdig. No er det manikyren som står for tur.
Sjå på dette smykket! Ei kvit sommarfuglperle er malt med neglelakk i fleire lag for å få fram detaljane.
Smykket blei deretter perfekt montert.
Når ho ikkje finn stoff som passar, så lagar ho sine eigne fargebad,
Her er eit av lysbilda frå presentasjonen,
Det farga stoffet og kvitt stoff er klipt i strimler og sydd saman.
Så er det klipt ut delar til strømpene og vrangsydd.
Det er ein kunst berre å vrenge så små ting.
Mykje forarbeid og beregningar gjorde at dei passa perfekt.
Her har ho starta på underlaget til støvlane også.
Hodet er festa på, og hodenunnen er malt i same farge som garnet.
Kvart einaste hårstrå er sydd tett i tett.
Så formar ho ansikt av modelleringsmasse og festar det utanpå.
Ansiktet blir måla på frihand, og detaljar lagt på etter kvar tørkeprosess.
Håret er s¨klipt og styla med utvatna decoupagelim for å få riktig hold i frisyren.
Til og med sløyfene er laga med den største presisjon.
Handsydd truse må fine damer ha.
Skjørtet er klipt i heilvolang i to lengder og lagt opp på maskin.
Og så kjem prikken over i-en, -støvlane.
Stoffet er farga for å få den rette looken, og dei er laga av mange delar.
Ho har slått i mange små maljar og tredd i snorer,
Så har ho forma hælar av modelleringsmasse, limt på og malt.
Det er berre Sanna som kan spekulere ut slikt.
Men jammen blei det eit flott resultat!
Du kan tru det ligg mange arbeidstimar bak!
Her kjem nokre samanlikningar for å vise utviklinga frå prøvedokka.
Fingrane er sydd med maskin.
Flotte begge to, men den lyse er endå meir forseggjort.
Etter forestillinga, kunne publikum studere mesterverket i monteren.
Dokkene og eit måleri etter Edvard Munch.
Det var mange lovord å høyre.
Du ser at ho har utvikla sin eigen stil.
Her er eg saman med kunstnaren.
Vi har vore saman i forming i fire år, og eg har sett kor ho har utvikla seg.
Lykke til framover, Sanna. Eg ønskjer deg alt godt og håper du får bruke dine designarevner.
Og eg håper å få sjå nye ting du lagar.
Du er ein mester med detaljar, og gir deg ikkje før du har funne eigna metodar
til å få eit perfekt resultat.
HER er link til innlegget om bruda.
