Saftig og holdbar sjokoladekake

Eg har miksa litt med oppskrifter, og funne fram til ei sjokoladekake som både er rask å lage, smakar godt, er saftig og holdbar;) Her er oppskrifta (på bokmål;)

Smelt 400 g smør i ei gryte

Tilsett 4,5 dl vann og kok opp.

Ta kjelen av platen og tilsett:

9 dl sukker

1 ts salt

 5egg

9 dl hvetemel

1 dl kakao

2 ts natron

Rør godt med en visp til det er klumpefritt.

Hell den tynne røren i ei bakepapirkledd langpanne.

Stek på nederste rille ved ca 180 gr i ca 30 minutter.

Avkjøl på rist.

                                               Topping

                                      Rør ut 1 dl hvetemel i 2 dl vann i en liten panne.

                                               Kok til grøt. Småkok noen minutter. Rør godt. Avkjøl.

                                                           200 g mykt smør og

                                                           200 g sukker røres hvitt i miksmaster.

                                                           Tilsett den kalde grøten og pisk sammen.

                                                           Tilsett så

                                                           1 eggeplomme

                                                           2 ts vaniljesukker

                                                           1 pl. kokesjokolade som er smeltet i

                                                           litt kaffi.

Pisk sjokoladekremen lett og luftig. Smør den på toppen av den kalde kaken.

*  *  *  *  *  *  *  *  *  *  *  *  *  *  *  *  *  *

Det var vel ei grei oppskrift? Toppingen er ikkje så enkel som sjølve kaka 

då, men den er verd litt ekstra.

Og glemsk som eg er, har eg fått testa kor holdbar den er også;)

Eg laga denne kaka til ei kurshelg. Først stod den framme to dagar slik at det var berre å forsyne seg. Kaka stod så i bilen, for vi skulle ha møte på skulen dagen etter. Så sette eg langpanna med eit brett over i kjøleskåpet, for elevane skulle få neste dag. Og så gløymte eg det heilt til fredagen kom, men kaka var god etter ei veke også. Sidan alle ikkje var der, tok eg resten i kjøleskåpet slik at dei kunne få på måndag... Men trur du eg hugsa det? Nei då! Men eg kan skrive under på at kaka var saftig og god etter to veker også;) Og då blei det tomt, så eg veit eigentleg ikkje kor lenge den kan vare;)

Lykke til om du vil prøve!

Snerten veske

Ofte er det både kjekt og praktisk med ei lita veske til det mest nødvendige; mobil, bankkort og nøklar.
Lokket er dekorert med diverse stoff, band, garn, blonde og eit gamalt fotografi.

Lokket utgjer heile veskefronten, så stengsel er unødvendig. 

Blåbærbuskene har bra avling i år. Etter vekesvis med regn, var det godt å gå rundt i hagen i deilig haustsol.

Baksida av veska er berre frihandsquilta.

Det er fronten også. Hanken er sydd av same band som lokket er kanta med.

Fri bruk av sirklar

I helga har eg vore på kurs med Anne Beier Finnestad, og som du ser, så har det gått heilt rundt for meg;) Det var også Anne som i si tid lærte meg å bruke stoppefoten på symaskina, og det har eg hatt mykje glede av. No laga eg ein liten løpar i grått og svart, så den skulle passe til sofaen.

Det er gøy å bruke stoppefoten på ulike måtar og få fram ulike strukturar og mønstringar.

Her er eg i full konsentrasjon. Sirklar er ikkje det lettaste å sy rundt.

Astrid  har her starta på ei brikke i collageteknikk, og ho omtalar kurset på sin blogg.

Trine trossa sjukdom for å få med seg kurset;) Ho har også eit kursinnlegg på sin blogg.

Her er ein del av produksjonen etter helga. Det er så kjekt å sy i lag, prate og ete god mat saman med likesinna;)

I år feirar Molde Quiltelag 20 år og Syskrinet 25 år. I helga vart det markert med kurs og festmiddag. Og under middagen fekk vi fin-fint besøk av dette sjarmerande paret;)

Strikka klut med oppskrift

Heimstrikka klutar er kjekke å ha. Her har eg laga ei "koppetvoge", som vi kallar kluten vi brukar å tørke av bord og benkar med når vi vaskar opp. Denne var enkel og grei å både strikke og hekle rundt, så eg legg med ei lita oppskrift om nokon har lyst å lage;)

Garnet eg har brukt her er Tuva Helårsgarn frå Europris. Det er ei blanding av bomull og akryl. Strikkepinnar nr 4,5 og heklekrok nr 4. Anna garn og pinnar kan sjølvsagt brukast. Eg la opp 53 masker, og strikka ein omgang med berre rett og ein omgang med 1 rett og 1 vrang. Slik fortsette eg til kluten var ca like høg som den var brei. Då blei rettsida slik.

Og baksida blei slik. Når alle maskene var felt av, tok eg heklekroken i siste maska som var igjen på pinnen og begynte å hekle rundt; 3 luftmasker og ei fastmaske i ca annakvar eller tredjekvar maske i kanten rundt kluten. Sjå kva som passar slik at kanten legg seg fint.

Neste runde var 3 luftmasker og ei fastmaske rundt kvar luftmaskeboge. I kvart hjørne laga eg ei ekstra luftmaskeboge. Slike klutar er fine å ha som gåver også, og kan vere ein fargeklatt på kjøkkenet saman med ei stilig oppvaskbørste;)

Te-hette

Eg fekk i oppdrag å sy ei te-hette som underlag til dette flotte hekleriet.

Dette måtte vere stødig, så eg kjøpte veskevatt. Den hekla te-hetta blei brukt som mønster.

Sjølv om den skal vere under eit trekk, er det greitt at den er litt fin utan også. Kanskje den kan brukast åleine til jul?

Inni er det eit koseleg englestoff.

Og her er te-hetta frå sida.

I det våte element

Dette er eit utdrag av ein liten quilt eg leika meg med for nokre år sidan.
Her har eg brukt stoppefoten og frihandsquilting for å skape liv i vatnet. Fiskane og havhesten er teikna av frå eit hefte, og motiva er dekorerte og markerte med frihandsquilting.

Bakgrunn og ramme er sett saman av fleire nyansar og er a-symetrisk.

Her er oppskriftene

Her kjem oppskriftene eg lova i forrige innlegg. Begge er greie å lage når vi skal ha gjestar, for alt kan gjerast ferdig i god tid, mengdene er lette å regulere alt etter kor mange som skal spise, og det er enkelt å servere;)

KJØTTKAKER I FORM

Legg godt med smørklattar i ei langpanne om det er mange, og i ei mindre form om det er få personar.

Skjær hodekål i bitar og fordel i forma. Det kan sjå mykje ut, men synk veldig saman under steiking.

Fordel 1 eller 2 hakka løk over kålen.

Skjær poteter i skiver og fordel eit par lag over kål og løk.

Dryss på salt og litt pepar mellom og på toppen av potetene.

Sett forma i steikeomnen på ca 200 grader, og la det stå ca 1/2 time.

I mellomtida (eller tidlegare) sper du ut kjøttdeiga som til vanlege kjøttkaker. 

Til denne store forma brukte eg ca 1,5 kg kjøttdeig, 3-4 ts salt, litt pepar, ingefær og muskatnøtt, 

3 egg, 2 ss kveitemjøl, 3 ss potetmjøl og skumma mjølk til passe konsistens. Elta godt inn saltet først.

Ta ut forma når potetene er mindre steikt enn på bildet over:)

Legg store klattar av kjøttfarsen oppå potetene. (eg kom ikkje på å ta bilete før eg var halvvegs med det)

Bruk ostehøvelen på hardt smør, og fordel litt smør over kvar kjøttkake.

Steik vidare til potetene er skikkeleg møre, ca 30-40 minutt. 

Denne forma kan også steikast sakte ved lavare temperatur, og alt kan leggast i forma før steiking.

Rett frå omnen og på bordet. Velbekomme;) 

Oppskrifta på Ripsterte er egentleg lita, og skal kjevlast ut til to små leivar. Eg doblar nesten alltid oppskrifta, og gjer det her også. Vil du ha ei mindre kake, så er det berre å halvere.

RIPSTERTE

300 gr lettkokte havregryn, 200 gr sukker, 3 egg, 1,5 ts bakepulver, 12 mandeldråpar.

Ha alt i ein bolle og bland saman. Eg brukar ein slikkepott.

Fordel røra på to bakepapirkledde plater.

Klipp opp ein plastpose og legg over røra når du kjevlar den utover. Då slepp du masse kliss.

Steik ved 175 grader i 10-15 minutt, til leivane er gyldne. Avkjøl på brettet.

Legg den eine leiven på eit brett. Er den for stor, er det berre å knekke av litt til det passar.
Fordel vaniljekrem over. Her brukte eg nesten to ferdigpakkar. Legg det andre flaket oppå.

På toppen er det krem av 1 pk fløte og ca 1-2 ss sukker. Fordel rips på toppen. Vent gjerne med krem og rips til like før servering, for då kan kaka berre vente på benken. Og sjølvsagt kan andre bær eller frukt brukast på toppen. Då håper eg det vil smake;)