mandag 4. juli 2016

Enkel barneveske DIY


På Inspirerende Hobby i Molde får dei stadig inn nye stoff no, 
og dette fargerike prinsessestoffet har inspirert meg til å sy fleire ting.
Først ut er denne barneveska. Har du lyst å sy ei slik, 
så kjem det ei lang bildeforklaring på framgangsmåten her.


Skjær hovedstoffet 48x34 cm, eller 19x13,5". (1" (inch) er ca 2,54cm). 
Desse måla er etter mønsterrapportane i stoffet eg brukte, 
men kan sjølvsagt lagast større eller mindre. Framgangsmåten blir den same.
Klipp eller skjær forstoff og vatt litt større, for det skal quiltast og kan då dra seg seg litt.
Bildet viser  etter at eg har sydd på langs og tvers for å få eit stødig for i veska.
Stryk på stoffsida.


Legg hovedstoffet oppå, og skjær slik at delane blir like store.


Legg frontstoff og for rette mot rette. Sett i nåler og sy ein saum i toppen.


Stryk ut saumen.


Brett i to og sy rundt alle tre kantane.


Men OBS! Sett igjen ei opning på ca 15cm i eine sida av foret, 
slik at veska kan vrengast seinare. 


For å lage botn i veska, kan du teikne opp eit kvadrat i alle hjørna. 
Mål frå saum eller brettekant. Her har eg brukt 7/8", for det passa med mønster i stoffet.
Det tilsvarar ca 2,2cm. (Botnen kan lagast større eller mindre.)


Klipp ut alle fire hjørna.


Brett klippekanten motsatt slik at sidesaumen no blir i midten.
Sy ein saum over alle klippekantane.


No kan du vrenge heile veska. Bruk fingrane og trykk ut saumane.
Sy igjen vrengeopninga for hand.


Dytt foret inn i veska og form kanten fint til før 
du syr ei stikning for at det skal halde seg på plass. 
Då er det enklast å tre opninga inn på friarma på maskina.


Skjær ei stoffstrimle på ca 3x29,5", eller 8x74cm til hankane. 
Du treng også ei strimle vatt på 1", eller 2,5cm til å legge inni.
Stryk inn ein liten brett på eine langsida. Brett og stryk stoffet rundt vattstrimla.
Sy ein eller to saumar over heile. 


Del i to og sy ein hanke på kvar side.


Brett inn kortendane og sy ein firkant som feste.


Veska blir stødig og fin både innvendig og utvendig.


Slik blir botnen.


Den kan brukast til lagring. 


Eller brukast til handletur eller på besøk.
Håper du blir inspirert til å sy di veske. 
Lurer du på noko, så ta gjerne kontakt på
ednyreiten(@)hotmail.com


5 kommentarer:

  1. Kjempefin veske! Det er nesten så jeg får lyst til å sy! Akkurat nå er det rimelig travelt her med to barnebarn på besøk. Gutter på to og fire år. Får tåle at det flyter på stuegolvet. Været har bedra seg, og i dag har vi gått i shorts og ikke ei regnbyge så langt.

    Fortsatt god sommer til deg og dine!

    Klem

    SvarSlett
  2. Så flott barneveske du har sydd! Prinsessestoffet var kjempefint og passet utmerket til veske. Takk for mønster og god forklaring. God sommer! :-)

    SvarSlett
  3. Kjempe flott veske. Og takk for oppskrift :-)
    God sommar!

    SvarSlett
  4. Lekker veske.
    Flott at du legg ut framgongsmåten sjølv om
    eg tvila på at eg tore meg til...
    Ynskjer deg fine sommardagar !

    SvarSlett
  5. Nydelige barneveske har du sydd. Søt mønsteret.
    Takk for oppskrift. Jeg liker å sy med barnebarn :-))
    Og barnebarn er her med meg nå. Jeg vil gjerne igjen
    se inn i blogg din til vakre sy instruksjoner. Takk deg.
    Ha riktig god sommer fortsatt. Hilsen sender Viola

    SvarSlett

Eg blir utruleg glad om du legg igjen nokre trivelege ord i kommentarfeltet! Har du ikkje eigen blogg, kan du under "kommenter som", velge navn/nettadresse og skrive namnet ditt øverst, hopp over feltet med nettside, så skrive kommentaren og trykk publiser. Eller du kan velge anonym og skrive kommentar og publiser. Det er kjekt om du også skriv namnet ditt og evt. mail-adresse i kommentarfeltet, slik at eg kan finne deg;)

LinkWithin

Related Posts Plugin for WordPress, Blogger...