onsdag 11. desember 2013

Meir om adventskalenderen, og eiga vinnarlykke.

Tusen takk for alle fine kommentarar om julestrømpa! Det varmar.
Og det gjer også den gode oppslutninga rundt adventskalenderen eg har satt i gang på Tøndergård skole og ressurssenter til inntekt for kreftforskning.


Nye gevinstar dukkar endå opp på premiebordet, og fleire betalar for å vere med i trekningane. 
Det gir fleire vinnarsjangsar for mine positive kollegaer, og det gir fleire kroner til kreftforskninga. 
Denne koselege kransen har allereie fått seg ei dør.


Sidan forrige innlegg om adventskalenderen, har ein del ting fått nye eigarar, og nye ting har tatt plass.
Nissedama vaktar det heile, og under kjolen skjuler ho eit glas. Den nye eigaren kan gøyme julegodtet sitt under denne stakken;) 
Her kan du få sjå nokre av dei nye premiane.


Tenk å kunne ta på seg desse tøflene og slappe av frå julestria med eit Bonytt-magasin!


Eller kunne dra på seg desse nydelege raggane! Garnhylsteret er med og viser vaskeanvisninga. 
Det er forøvrig ein god idé for alle som gir bort handstrikka gåver. 
Og inni sokkane ligg ein pose brente mandlar;)


Eit stort og flott fotografi av ein avblomstra løvetann, vil også glede ein person før jul.


Gevinst, givar og vinnar blir notert på oppslaget kvar dag. Dei siste dagane blir det minst to trekningar kvar dag. 
Det er så kjekt at kalenderen gleder mange på jobb, og at eg no kan overføre kr 2.570,- til Lappegrete sin utfordring om å samle inn pengar til kreftforskning. Ei kjempeflott utfordring Grete!

Og i bloggverda har eg sjølv hatt vinnarlykke. Den siste tida har eg faktisk vunne fire give-away! 
To av dei har eg fått allereie.


Hos Cathrines Kreative Hjørne var det eg som vann årets julehefte frå Familien. Eg elskar idéhefter, så det var midt i blinken. Cathrine har ein utruleg flott julekalender i gang no, i tillegg til at ho legg ut mykje fin inspirasjon i adventstida, så er det mange grunnar til å beøke den fine bloggen hennar. 
I fjor vann eg faktisk eit halvårsabonnement på Familien.


Og på den flotte bloggen til "By Marianne" vann eg fire garnnøster i ull. Og jammen har ikkje ho også satt i gang med ein ny give-away! Det er fleire grunnar til å besøke denne bloggen!  Eg skal i alle fall prøve lykka igjen;)
Dette blei eit langt innlegg, men det er visst ikkje lenge igjen til jul.... Kanskje det er på tide at eg tenkjer på gåver og jul heime også no! 

4 kommentarer:

  1. Så kjekt å høre at aksjonen din går bare bedre og bedre. I husflidslaget her på Frei støttet vi Rosa sløyfe-aksjonen i høst ved at gi loddpenger og kaffepenger til aksjonen. Vi greide å samle inn nesten 3000,- på en kveld, og det var vi meget fornøyd med.

    SvarSlett
  2. For en fantastisk flott måte å støtte kreftaksjonen min på, Edny! Så kreativt, og koselig og samlende i kollegiet! Det blir virkelig spennende å se hvilket beløp du ender opp med! Tenk om du slår meg! Det ville glede meg!
    Tusen takk for innsatsen din!

    SvarSlett
  3. Kjempeflott ide, og flott kalender. Håper dere får inn riktig mye til kreftsaken., :-)
    Jeg heier på....

    SvarSlett
  4. Det er viktig å tenke på andre i denne førjuls-tida, og du har virkelig tatt i så det monner!
    Sikkert spennende med julekalender på jobb også.
    Gratulerer med fine premier! Jeg fikk ei hespe med fint garn i posten i dag.

    Ha en fortsatt fin torsdag!

    Klem

    SvarSlett

Eg blir utruleg glad om du legg igjen nokre trivelege ord i kommentarfeltet! Har du ikkje eigen blogg, kan du under "kommenter som", velge navn/nettadresse og skrive namnet ditt øverst, hopp over feltet med nettside, så skrive kommentaren og trykk publiser. Eller du kan velge anonym og skrive kommentar og publiser. Det er kjekt om du også skriv namnet ditt og evt. mail-adresse i kommentarfeltet, slik at eg kan finne deg;)

LinkWithin

Related Posts Plugin for WordPress, Blogger...