Enkel og rask redesign.

Slik blei resultatet etter ei rask oppshining av krakk og trillebord.

Krakken før

-og etter. Har berre stifta på ein bit voksduk.

Plata bar preg av å ha stått ute, sjølv om det var under tak.

Den fekk også ein bit av voksduken.

Handtaka var rusta, og eg ville skifte dei, men det gjekk ikkje an, 

for festa var skjult.

Løysinga blei å vikle bast rundt handtaka.

No står begge tinga inni carporten, og blir brukt til litt krukker,

hageredskap og diverse ting og tang. 

Det enklaste er ofte det beste :-) Veldig fornøgd.

Toalettvesker til Krisesenteret i Molde

Molde Quiltelag har sydd toalettvesker til vårt lokale Krisesenter. Her er link til innlegg i bloggen vår, med artikkelen i Romsdals Budstikke.
https://moldequiltelag.wordpress.com/2017/11/11/innlegg-i-romsdals-budstikke-11-11-17/

Eg blei både glad og overraska over alle dei fine, og så forskjellige toalettveskene som medlemmane har sydd og fylt med innhald, ved hjelp av lokale sponsorar. 

Gløymte å ta bilde av dei eg sydde sjølv :-)

Strikkande englar

No har konglekransane fått seg ein strikkande engel.

Det går ikkje an å liggepå latsida.

Kjekt med litt selskap.

Dette er også min eigen design.

Englar i fleng

Det blei fleire englar når eg først var i siget.

Passar på at ingen blir like, og at alle får sitt eige uttrykk.

Det blei nokre som kan stå. 

Hode og armar er laga først, og så formar eg kjolen.

Dei er litt forskjellige frå baksida også.

Fleire hengande englar blei det også.

Denne har fått silkekjole, men resten er ull.

Så får vi sjå kvar dei finn vegen til slutt.

Tid for englar

Eg fekk lyst å prøve å lage englar av ull. 

Her er dei første resultata, og alle er ulike.

Den aller første.

Den fekk lette perlevenger.

Så blei det ein skikkeleg kvardagsengel. 

Belte og hårband av lin, og kvistvenger.

Denne har pynta seg meir.

Fleire har blitt til no, og dei har også sine eigne uttrykk. 

Plutseleg kjem nok dei også innom bloggen.

Moro med trekantar

Det har blitt litt trekantsying i sommer. 

Her har eg brukt åtte ulike svartmønstra stoff i tillegg til lin.

Bakstoffet måtte skøytast, 

og då laga eg ei strimle av fleire av trekantstoffa,

Lindelen er frihandsquilta.

Løparen er lang, og kan passe på et stort bord.

Eg har sydd svarte stikningar gjennom 

blokkene og vidare ut til kantane.

Denne blir nok med meg på messpå Vatne om eit par veker.

Haustkrans

Vi har hatt sommartemperaturar nesten heile september, 

og i går starta oktober på same vis. 

Då er det kjekt å gå tur og plukke med seg noko av 

alt det vakre naturen byr på, og i går enda det opp i ein haustkrans.

Kjekt å markere årstida sjølv om temperaturen forvillar oss.

Haustfargane sklir inn i den ytre oppussinga eg viste tidlegare.

Tenk å sitte ute og pusle i sol og 18 grader i oktober! 

I september var det 20 grader mange dagar,

Dekoren varer nok ikkje så veldig lenge, 

men kanskje den held til adventskransen skal opp.